Cléopâtre-Diane de Mérode , llamada artísticamente Cléo de Mérode, foi una baillarina francesa.
Biografía Formada na Ópera de París, entama una carrera pola so cuenta en 1898 y bailla por toa Europa hasta 1934. Tamién foi la estrella del cabaré Folies Bergère de París.
Escoyida Reina de la Guapura nes fotografíes presentaes a los llectores del diariu L'Illustration en 1896 ente 131 celebridaes, ente elles Sarah Bernhardt. Amontó la so notoriedá con un toque d'escándalu, el fechu de la esposición de la escultura La Danseuse d'Alexandre Falguière nel Salón de los artistes franceses. Esti desnudu en mármol blanco de mayor tamañu que'l natural, pal qu'ella defende nun haber posáu, «tan solo pa la cabeza», foi talláu a partir d'un modelu en yelsu, que pudiera, de forma dudosa, ser modeláu a partir d'un molde del so cuerpu.
La so guapura sigue siendo llexendaria, según los sos almiradores, ente ellos el rei Leopoldu II de Bélxica, aventura que rellata nes sos memories. Posó pal escultor Alexandre Falguière, pa los pintores Manuel Benedito, Giovanni Boldini, Edgar Degas, Henri de Toulouse-Lautrec, y pa los fotógrafos Paul Nadar y Léopold-Émile Reutlinger.
thumb|275px|La so tumba nel Pere Lachaise, cola escultura de Luis de Périnat. División 90 : .
Finada en París, na so casa de la rue de Téhéran, foi soterrada nel campusantu del Père-Lachaise (90 división), onde reposa al llau de la so madre, Vicentia de Mérode. Una estatua de Cléo de Mérode, realizada por Luis de Périnat, que foi'l so amante de 1906 a 1919, afata la tumba.
Ver tamién Llista de sex symbols
Bibliografía
Referencies
Enllaces esternos
Categoría:Baillarinos y baillarines de balé de Francia Categoría:Baillarinos y baillarines de balé de Bélxica Categoría:Modelos de Francia Categoría:Modelos de Bélxica Categoría:Vedettes de Francia Categoría:Vedettes de Bélxica Categoría:Persones de París Categoría:Wikipedia:Páxines con enllaces interllingüísticos