Franziska Maria Keller, conocida como Ska Keller, ye una política alemana del Partíu Verde Européu y Bündnis 90/Die Grünen. De 2005 a 2007 foi vocera de la Federación de Mozos Verdes Europeos (FYEG), de 2007 a 2009 foi covocera de la federación estatal verde de Brandemburgu y dende 2009 ye diputada del Parllamentu Européu.

Nes eleiciones al Parllamentu Européu de 2014 foi candidata, xunto a José Bové, a la presidencia de la Comisión Europea per parte del Partíu Verde Européu.

Biografía

Política Dende 2001 foi miembru de Grüne Jugend (Mozos Verdes) y dende 2001 hasta 2004 perteneció al so Comité Executivu Nacional. De 2005 a 2007 foi vocera de la Federación de Mozos Verdes Europeos (FYEG).

En 2002 xunióse al partíu Bündnis 90/Die Grünen y en 2005 entró al Comité Executivu de Die Grünen nel Estáu de Brandemburgu. Ente 2005 y 2009 foi tamién direutora executiva de l'agrupación distrital verde de Spree-Neißy. En payares de 2007 foi escoyida xunto con Axel Vogel como covocera de la federación verde de Brandemburgu. Nesti cargu tuvo particularmente arreyada nun referéndum a nivel nacional escontra les nueves mines a cielu abiertu en Brandemburgu, empecipiáu conxuntamente por partíos, organizaciones ecoloxistes y l'institutu sórabu Domowina.

Nel Congresu de Delegaos de Dortmund de 2009, Keller foi escoyida pal puestu 7 de la llista de Die Grünen pa les eleiciones europees. Sol lema "Non sólo'l güelu pa Europa" consiguió l'escañu'l 7 de xunu de 2009. Les prioridaes de la política de Keller son la migración y les rellaciones de la Xunión Europea con Turquía. Como diputada del grupu parllamentariu Verdes-Alianza Llibre Europea, perteneció a la Comisión de Desenvolvimientu y agora trabaya na Comisión de Comerciu Internacional y na Delegación XE-Turquía.

Nes primaries abiertes pan-européu del Partíu Verde Européu, celebraes ente payares de 2013 y xineru de 2014, Ska Keller foi escoyida, xunto al francés José Bové, como co-candidata a la presidencia de la Comisión Europea pa les eleiciones al Parllamentu Européu de 2014.Ska Keller y José Bové van ser los candidatos de los verdes europeos a presidir la Comisión

Referencies

Enllaces esternos

Biografía por CIDOB (n'español)

Categoría:Políticos y polítiques de Die Grünen Categoría:Eurodiputaos y eurodiputaes del Partíu Verde Européu Categoría:Políticos y polítiques d'Alemaña Categoría:Ecoloxistes