Kyösti Kallio (1873-1940), políticu finlandés, cuartu presidente de la República de Finlandia (1937-1940). Kallio yera representante del estáu llabrador, fundador del Partíu Rural (predecesor del Partíu del Centru) en 1906 y miembru del "Senáu d'independencia" en 1917. Antes de ser escoyíu presidente, yera diputáu en delles llexislatures, presidente del parllamentu y cuatro veces primer ministru. En 1922, promulgóse la llamada "Lex Kallio" qu'ameyoró la posición de los pequeños llabradores. De primeres de la so presidencia, Kallio nomó un gobiernu de coalición de los centristes y los socialdemócrates, lo que fizo posible un frente común y un país unificáu, yá recuperáu de la guerra civil de 1918, cuando la Xunión Soviética atacó Finlandia'l 30 de payares de 1939 y empezó la Guerra d'Iviernu, que duró hasta'l 13 de marzu de 1940. Sicasí, el calvariu de la guerra frayó la salú del presidente, quien dimitió del cargu en payares de 1940. Poco dempués, el 19 d'avientu de 1940, Kyösti Kallio finó dramáticamente d'ataque cardiacu na estación de ferrocarriles de Ḥélsinki, cuando diba tomar el tren escontra la so casa en Nivala.
Referencies
Enllaces esternos
Categoría:Políticos y polítiques de la Segunda Guerra Mundial Categoría:Presidentes de Finlandia Categoría:Primeros ministros de Finlandia Categoría:Políticos y polítiques de Finlandia Categoría:Políticos y polítiques del Partíu del Centru Categoría:Finlandia na Segunda Guerra Mundial Categoría:Wikipedia:Mantenimientu:Persones ensin plantía nym