Ali Hassan Mwinyi foi un abogáu y políticu tanzanu, que foi presidente del so país ente 1985 y 1995.
Mwinyi foi Ministru del Interior y Vicepresidente antes d'asumir la xefatura d'estáu. Mientres el so gobiernu revirtió les polítiques socialistes del so antecesor, sofitando la inversión privada. Ente 1990 y 1996 foi xefe del Partíu Revolucionariu.
Presidencia Mientres el gobiernu de Mwinyi, Tanzania dio los primeros pasos pa revertir les polítiques socialistes de Julius Nyerere. Re relaxaron les restricciones d'importación y animóse a la empresa privada. Finalmente, mientres la so reeleición en 1990, introducióse la política multipartidista, siendo illegalizaos los demás partíos mientres la presidencia de Nyerere, magar el ex-presidente tuvo abonda influyencia como pa evitar la nominación de Jakaya Kikwete en 1995, alegando que yera demasiáu nuevu pa la presidencia del país. Mientres l'alministración de Mwinyi, tomáronse decisiones cruciales pa la lliberación de la economía tanzana, derrumbada mientres la xestión de Nyerere. Magar estos cambeos, el so segundu gobiernu foi acusáu de corrupción y fuximientu. Tamién hubo una importante inflación y una situación económica xeneralmente mala nel país.
Vida personal y muerte Mwinyi casó con Siti Mwinyi en 1960 y tuvo con ella seis fíos y seis fíes. En retirándose de la política, continuó viviendo en Dar es Salaam.
En payares de 2023, Mwinyi foi hospitalizáu por una enfermedá torácica. Morrió de cáncer de pulmón nun hospital de Dar es Salaam, el 29 de febreru de 2024, a la edá de 98 años.https://www.reuters.com/world/africa/ex-tanzanian-president-mwinyi-has-died-current-president-says-2024-02-29/
Referencies
Enllaces esternos
Categoría:Políticos y polítiques de Tanzania Categoría:Presidentes de Tanzania Categoría:Gobernantes de Tanzania