1887 (MDCCCLXXXVII) foi un añu común entamáu en sábadu nel calendariu gregorianu, y un añu común entamáu en xueves nel calendariu xulianu.
Fechos 20 de xineru - El Senáu de los Estaos Xuníos autoriza a la Marina a alquilar Pearl Harbor pa facer ellí una base naval. 24 de xineru - Batalla de Dogali. Les tropes d'Abisinia derrotan a les italianes. 5 de febreru - Estrenu de la ópera Otello de Giuseppe Verdi en La Scala de Milán. 5 de febreru - Chile: Apruébase la llei que permite que les muyeres obtengan títulos universitarios. 22 de marzu - Colombia: Fúndase'l diariu El Espectador, el más antiguu del país. 3 de xunu - Arxentina: Fúndase'l primer club de fútbol d'América: Club de Gimnasia y Esgrima La Plata. 21 de xunu - Celébrase'l xubiléu de la reina Victoria, col que se celebren los 50 años del so reináu. Esi mesmu día Zululandia conviértese nuna colonia británica. 23 de xunu - Canadá: Apruébase la Rocky Mountains Park Act, pola que se crea el primer parque nacional del país, el Banff National Park. 26 de xunetu - El llingüista polacu Ludwig Lazarus Zamenhof presenta l'idioma esperanto, creáu por él col envís de que se convirtiera nuna llingua franca universal. 28 de setiembre - China: Entama la crecida del ríu Amarillu, que ha matar, por culpa les enfermedaes y la escasez d'agua potable que provocó, ente novecientes mil y dos millones de persones. 1 d'ochobre - L'Imperiu británicu faise col control de Beluchistán. 3 d'ochobre - Abre sos puertes en Tallahassee (Florida), la Universidá Florida A&M. 8 de payares - Emile Berliner consigue una patente pal so gramófonu.
Nacencies 1 de xineru - Wilhelm Canaris, xefe de la intelixencia militar alemana na Segunda Guerra Mundial († 1945). 3 de xineru - August Macke, pintor alemán († 1914). 28 de xineru - Arthur Rubinstein, pianista y direutor d'orquesta polacu († 1982). 23 de marzu - Juan Gris, pintor y artista gráficu español († 1927). 11 de mayu - Paul Wittgenstein, pianista austriacu († 1951). 19 de mayu - Gregorio Marañón, médicu y ensayista español († 1960). 26 de mayu - Paul Lukas, actor húngaru († 1971). 7 de xunetu - Marc Chagall, pintor rusu († 1985). 17 d'agostu - Carlos I d'Austria, emperador austriacu († 1922). 6 d'ochobre - Le Corbusier, arquiteutu suizu († 1965). 24 d'ochobre - Victoria Euxenia de Battenberg, reina consorte española († 1969). 31 d'ochobre - Chiang Kai-Shek, militar y políticu chinu († 1975). 23 de payares - Boris Karloff, actor inglés († 1969). 28 de payares - Ernst Röhm, dirixente nazi y cabezaleru de les SA († 1934). 11 d'avientu - Carlos Gardel, cantante y compositor de tangos arxentín ( † el 24 de xunu de 1935). 23 d'avientu - Victorio Macho, escultor español († 1966).
Muertes 27 de febreru - Alexander Borodin, compositor rusu (º 1833). 8 de mayu - Lorenzo Batlle, presidente uruguayu (º 1810). 20 d'agostu - Jules Laforgue, poeta francés (º 1860).
Referencies
Enllaces esternos
Categoría:1887 Categoría:Sieglu XIX