Fatmir Sejdiu ye un políticu kosovar, qu'exerció como'l segundu Presidente de la República de Kosovu.
Biografía Nació nun pueblu de Pakaštica cerca de Podujevo, na Provincia Autónoma Socialista de Kosovu, perteneciente a la República Federal Socialista de Yugoslavia.
Fatmir Sejdiu foi unu de los autores del marcu constitucional provisional pal autogobiernu de Kosovu en 2001. Sejdiu foi un parllamentariu influyente na Lliga Democrática de Kosovu (LDK), el partíu del anterior presidente Ibrahim Rugova.
Foi escoyíu Presidente pola Asamblea de Kosovu tres la muerte de Rugova a principios de 2006. Sejdiu ganó l'aprobación de la comunidá internacional por dar prioridá a les midíes de bon gobiernu y multietnicidad sofitaes pola ONX.
El 24 de xunetu de 2006, Sejdiu asistió en Viena a les conversaciones d'altu nivel ente los primeros ministros y presidentes de Kosovu y Serbia p'aldericar el futuru estatus de Kosovu.
Mientres el so mandatu, Kosovu declaró unilateralmente la so independencia de Serbia, lo cual foi refugáu per esti últimu país pero que foi reconocida por más de 70 estaos. En 2010, el Tribunal Constitucional kosovar declaró illegal el so doble rol como Presidente y líder del PDK, ante lo cual Sejdiu arrenunció al so cargu.
Vive en Prístina, la capital de Kosovu, cola so esposa y los sos trés fíos. Fala albanés, inglés, serbiu y francés.
Referencies
Enllaces esternos Web oficial del Presidente de Kosovu Perfil de Fatmir Sejdiu en Web de l'Asamblea de Kosovu Biografía n'español per Fundación CIDOB
Categoría:Políticos y polítiques de Kosovu Categoría:Presidentes de Kosovu