Ahmed Abdallah Abderemane (, Ahmad Abd Allah Abd ar-Rahman, 12 de xunu de 1919 – 26 de payares de 1989) foi un políticu comoranu y presidente de les Comores dende'l 25 d'ochobre de 1978 hasta la so muerte.
Vida antes de la presidencia Abdallah nació en Domoni, alcontrada na islla d'Anjouan. Empieza la so participación nel gobiernu na década del 40, mientres les Comores entá yera parte de Francia; en particular, aportó a Presidente del so conseyu xeneral dende 1949 hasta 1953, pasando a ser Presidente de la Cámara de Diputaos mientres 1970.
Primer mandatu presidencial
En 1972, como líder del so partíu políticu (Unión Democrática de les Comores o UDC), apuerta a presidente del Conseyu de Gobiernu y Xefe de Gobiernu de les Comores, cargu qu'ostentó hasta'l 6 de xunetu de 1975, cuando les islles algamaron la so independencia de Francia (quitando Mayotte, que votó por caltener se como francesa).
Nesti contestu, Abdallah pasa a convertise nel primer presidente de les islles independientes, hasta'l so derrocamientu por Said Mohamed Jaffar vía golpe d'estáu el 3 d'agostu de 1975. Jaffar per otru llau, sería darréu derrocáu por Ali Soilih en 1976.
Segundu mandatu presidencial Abdallah, (que tuviera viviendo nel exiliu en París, Francia) llevó a cabu un golpe d'estáu en contra de Soilih en 1978 cola ayuda del mercenariu Bob Denard. Depués Said Atthoumani asumi como "Presidente del Direutorado Políticu-Militar" por diez díes, ente qu'Abdallah y Mohamed Ahmed asumieron la co-presidencia; el 22 de xunetu en tantu, los sos títulos fueron camudaos como "Co-Presidentes del Direutorado" y el 3 d'ochobre, Abdallah pasa a ser l'únicu titular; finalmente, el 25 d'ochobre, asume'l títulu de presidente y caltiénse y el cargu hasta la so muerte, a pesar de la esistencia de tres intento golpistes na so contra.
En 1982, Abdallah abolió tolos partíos políticos de les Comores, incluyendo a la UDC, creando un referente políticu nuevu arrexuntáu na Unión Comorana pal Progresu (UCP), l'únicu partíu llegalmente dexáu; asina, el país pasa a ser un estáu unipartidista.
En 1984 ye reelixíu ensin oposición, ente qu'en 1989 asegúrase -vía referendu popular- la posibilidá d'optar a un tercer mandatu, sicasí, el 26 de payares de dichu añu ye asesináu na capital Moroni en confusos incidentes, siendo asocedíu automáticamente por Haribon Chebani, presidente de la Corte Suprema; cabo indicar que'l 29 de payares un golpe d'estáu lideráu pol mediohermanu de Ali Soilih, Said Mohamed Djohar, saca del cargu a Chebani, tomando posesión como nuevu presidente del país.
Referencies
Categoría:Políticos y polítiques de Comores Categoría:Presidentes de Comores Categoría:Wikipedia:Mantenimientu:Persones ensin plantía nym