Rudolf Schuster ye un políticu y escritor eslovacu y el segundu presidente d'Eslovaquia ente 1999 y 2004.
Carrera política Ente 1964 y 1990, Schuster foi miembru del Partíu Comunista d'Eslovaquia. Nesti periodu foi alcalde de Košice, ente los años 1983 y 1986, y nuevamente, depués de la cayida del comunismu ente los años 1994 y 1999. Schuster foi'l postreru presidente comunista del Conseyu Nacional Eslovacu (1989-1990), y foi embaxador de Checoslovaquia en Canadá ente 1990 y 1992. En 1999 foi nomáu ciudadanu honorariu de Miskolc, en reconocencia a la bona cooperación cola ciudá de Košice mientres la so alministración.
Schuster fundó'l Partíu del Entendimientu Civil (SOP – Strana občianskeho porozumenia) de centru esquierda en 1998. Foi eleutu presidente d'Eslovaquia el 29 de mayu de 1999 y foi inauguráu'l 15 de xunu. Buscó la so reelección nes eleiciones de 2004 como independiente, pero solo recibió 7.4% de los votos y terminando en cuartu llugar. Ivan Gašparovič foi'l so socesor.
Vida personal Schuster fala eslovacu, checu, alemán, rusu, inglés y húngaru en forma fluyida. La familia del padre de Schuster ye d'orixe alemán del cárpato, ente que la familia de la so madre ye d'orixe húngaru. Rudolf Schuster tuvo casáu con Irena Schusterová (finada en 2008) y tien dos fíos y dos nietos. Na so vida privada ye un fanáticu de los deportes, los viaxes y l'escritura. Tamién ye un entusiasta de la fotografía.
Distinción Caballero gran cruz de la Gran Orde del rei Tomislav ("Pola so destacada contribución a la promoción de l'amistá y la cooperación pal desenvolvimientu ente la República de Croacia y la República d'Eslovaquia." – Zagreb, 2 Ochobre de 2001) Caballero gran cruz con gran gordón de la Orde al Méritu de la República Italiana (28 de xunu de 2002).Sitiu web del Quirinal Caballeru de la Orde de l'Águila Blanca (Polonia, 2002) Caballero del collar de la Orde de Sabela la Católica.Boletín Oficial del Estáu
Ver tamién Llista de presidentes d'Eslovaquia
Referencies
Enllaces esternos Páxina oficial del Presidente Schuster (n'eslovacu) Biografía por CIDOB (n'español)
Categoría:Políticos y polítiques d'Eslovaquia Categoría:Presidentes d'Eslovaquia Categoría:Persones de Košice