Fabio Baudrit González foi un abogáu, políticu ya intelectual costarricanu. Yera sobrín del presidente Cleto González Víquez, que foi'l so principal valedor na política y col que compartió bufete d'abogáu.
Estudios Graduóse en derechu na Escuela de Derechu de Costa Ricahttps://www.acl.ac.cr/n_a.php?ffg, onde años dempués foi profesor.
Actividá política y cargos públicos Foi miembru de l'Asamblea Constituyente de 1917 y senador por Heredia mientres el represivu gobiernu de Federico Alberto Tinoco Granados (1917-1919). Participó na emisión d'una Llei d'Orde Públicu (Nᵘ 7 de 2 d'agostu de 1917) qu'acutó severamente de les llibertaes individuales y que foi conocida popularmente como llei Baudrit y llei del candáu. Nesta llei disponíase, por casu, que "quien tirara a infundir rocea" respeutu al Gobiernu sufriría una pena d'hasta seis meses de confinamientu, y que los delitos afitaos nella nun seríen de la conocencia de los xueces penales, sinón de los axentes de policía y los xefes políticos nomaos pol Poder Executivu.
Darréu foi Secretariu de Gobernación y de Facienda, Ministru Plenipotenciariu en misión especial en Panamá (1928), Primer Designáu a la Presidencia (1928-1932). Foi condecoráu en 1931 cola Orde al Méritu del Ecuador.
Actividá intelectual
Foi autor de cuentos, ensayos, artículos y otres obres, lo mesmo que de delles traducciones. Gran parte de los sos escritos recuéyense nuna obra espublizada en 1956 col títulu de Cifra antológica de Fabio Baudrit González.
Incorporáu como correspondiente a la Real Academia Española en 1922, foi miembru fundador de l'Academia Costarricana de la Llingua en 1923 (Siella H), na qu'a la so muerte asocediólu'l poeta y llingüista Arturo Agüero Chaves.
Bibliografía Abelardo Bonilla Baldares, Historia de la Literatura Costarricana, San José, Editorial Costa Rica, 1ª. ed., 1967, páxs. 298-299.
Jesús Manuel Fernández Morales, Las presidencias del Castillo Azul, San José, LIL, 1a. ed., 2009, páxs. 171-175.
Referencies
Enllaces esternos
Categoría:Vicepresidentes de Costa Rica Categoría:Diputaos y diputaes de Costa Rica Categoría:Abogaos y abogaes de Costa Rica Categoría:Senadores de Costa Rica