Anna Boleslavovna Missuna foi una xeóloga, mineralógola y paleontóloga polaca nacida en Rusia.
Primeros años Anna Boleslavovna Missuna nació na provincia de Vitebsk (entós parte del Imperiu Rusu, agora parte de Bielorrusia). Los sos padres yeren polacos. Foi educada en Riga, onde aprendió a falar alemán, y en Moscú, onde llogró una beca pa educación cimera de 1893 a 1896. Siguió los sos estudios en mineraloxía con Vladimir Vernadsky,Boris Ye. Borudsky, "Geochemical Mineralogy by Vladimir Ivanovitc Vernadsky and the Present Times" New Data on Minerals 48(2013): 102. y col cristalógrafo Evgraf Fedorov."Anna Boleslavovna Missuna" in Marilyn Bailey Ogilvie, Joy Dorothy Harvey, eds., The Biographical Dictionary of Women in Science: L-Z (Taylor & Francis 2000): 899-900.
Carrera El primer artículu de xeoloxía d'Anna Missuna apaeció en 1898, un estudiu de les formes cristalines del sulfatu d'amoniu, siendo ella la co-autora xunto a L. V. Yakovleva, y siendo l'artículu publicáu na revista de la Sociedá Naturalista de Moscú. Trabayó de cutiu con V. D. Sokolov nel estudiu de depósitos cuaternarios. Escribió artículos científicos sobre morrena finita en Polonia, Lituania, y Rusia, les carauterístiques glaciales en Bielorrusia y Letonia, y los corales xurásicos de Crimea.William Bourke White, The Quaternary Ice Age (Macmillan and Company 1914): 116-117."Notes" Nature (June 1, 1905): 110. Publicó artículos y monografíes tantu en rusu como n'alemán.
De 1907 a 1922, Anna Boleslavovna Missuna foi profesora de química na so alma mater, la Universidá Estatal de Teunoloxíes Químiques de Moscú (entós daquella, Cursos Cimeros pa Muyeres de Moscú), ayudando a V. D. Sokolov.Olga Valkova, "The Conquest of Science: Women and Science in Russia, 1860-1940" Osiris 23(2008): 154. Tamién enseñó petrografía, paleontoloxía, xeoloxía histórica, y xeografía histórica. Anna Missuna morrió en 1922, a los 53 años d'edá.
Referencies
Categoría:Xeólogos y xeólogues de Polonia Categoría:Xeólogos y xeólogues Categoría:Paleontólogos y paleontólogues Categoría:Mineraloxistes Categoría:Paleontólogos y paleontólogues de Polonia