Bertha M. Guijarro Berdiñas ye una investigadora española y Doctora n'Informática nel campu de la intelixencia artificial, el Deprendimientu Computacional y los Sistemes Basaos na Conocencia. Los sos estudios aplicáronse en Medicina pa realizar diagnósticos antenatales, diagnosis de motores y en predicción, y xestión de quemes forestales.
Trayeutoria Doctorada en 1999 pola Universidá de La Coruña, Guijarro ta venceyada dende 1994 a la investigación y la docencia nel Departamentu de Computación (UDC), onde ye Profesora Titular. Na comunidá científica, tien reconocíos más de dos sexenios d'investigación académica dientro del área de la Ciencia de la Computación ya Intelixencia Artificial, enfocando los sos estudios principalmente al Aprendizaxe Computacional y el desarrollu d'algoritmos de Big Data Learning.
En 2012 foi nomada coordinadora científica del CITIC (Centru d'Investigación en Teunoloxíes de la Información y les Comunicaciones) y dende 2014 ocupa'l cargu de vicecoordinadora. El CITIC destaca pola aguada social de los sos proyeutos tantu en cuestiones d'integración como na meyora de l'atención sanitaria o la llucha contra la fienda dixital.
Guijarro ye miembru activu del Grupu d'Investigación LIDIA (Llaboratoriu d'Investigación y Desarrollu n'Intelixencia Artificial) y collaboradora de la Subdireición Xeneral de l'Axencia Nacional d'Evaluación y Prospectiva (ANEP) pa la subárea científica de Sistemes Intelixentes.
Premios Premiu Ada Byron de CPEIG (Colexu Profesional d'Inxeniería n'Informática de Galicia). 2014.
Publicaciones A unified pipeline for online feature selection and classification. “Café: un sistema con arquiteutura híbrida pa la monitorización intelixente del estáu antenatal” , Bertha Guijarro, Universidá de La Coruña, 1999. Dirixida por Dra. Amparo Alonso Betanzos.
Referencies
Enllaces esternos Entrevista Bertha Guijarro Berdiñas, Vicecoordinadora Responsable Científicu del CITIC.
Categoría:Programadores Categoría:Informáticos ya informátiques d'España Categoría:Profesores d'España Categoría:Científicos y científiques d'España Categoría:Persones d'A Coruña