Eva Crane foi una investigadora de les abeyes y l'apicultura. Formóse como matemática cuántica pero camudó'l so oxetu d'estudiu a les abeyes y dedicó décades de la so vida a estudiales, viaxando a más de 60 países, munches vegaes en condiciones bien precaries.
Nacida como Ethel Eva Widdowson en Londres, llogró un Ph.D en 1941 en física nuclear. Empezó una carrera como profesora na Universidá de Sheffield. Casóse con James Crane, un corredor de bolsa que sirvía na Royal Navy Volunteer Acute, en 1942. El so maríu morrió en 1978.
El so interés nes abeyes nació cuando xunto al so maríu recibieron un truébanu como regalu de bodes, agasayo realizáu col deséu de qu'ayudara a suplementar la so ración de azucar de tiempos de guerra.
Crane escribió más de 180 artículos y llibros, munchos d'ellos cuando yera mayor de 70 años. Honey: A Comprehensive Survey (1975), nel que contribuyó con importantes capítulos y cola edición, realizóse porque-y dixo al so editor (Heinemann Press) qu'un llibru d'eses carauterístiques yera largamente necesariu. A Book of Honey (1980) y The Archaeology of Beekeeping (1983) reflexaron el so fuerte interés en temes como nutrición y el pasáu remotu de l'apicultura.
La so obra remató colos llibros Bees and Beekeeping: science, practice and world resources (1990, 614 páxines) y The World History of Beekeeping and Honey Hunting (1999, 682 páxines), que compendien la conocencia y la esperiencia d'una vida dedicada al estudiu y la práctica de l'apicultura.
Muerte Morrió a la edá de 95 años en Slough, Reinu Xuníu. Referencies
Enllaces esternos
Obituariu en The Times Sitiu web del Eva Crane Trust Obituariu en The Guardian
Categoría:Científicos y científiques del Reinu Xuníu Categoría:Apicultores Categoría:Entomólogos y entomólogues d'Inglaterra Categoría:Matemáticos y matemátiques d'Inglaterra Categoría:Matemáticos y matemátiques d'Inglaterra Categoría:Persones de Londres