Ewine Fleur van Dishoeck ye una astrónoma y química neerlandesa. Ye profesora d'Astrofísica atómica y molecular nel Observatoriu de Leiden, y presidenta electa de la Unión Astronómica Internacional.
Ye miembru de la Real Academia d'Artes y Ciencies de los Países Baxos dende 2001 y de l'Academia Nacional de Ciencies d'Estaos Xuníos. Foi Junior Fellow de la Harvard Society of Fellows.
Na actualidá, les sos árees d'interés y trabayu inclúin el mediu interestelar, nubes moleculares; la evolución de la física y química elemental mientres la formación d'estrelles y el sistema planetariu; astronomía infraroja submilimétrica y l'astronomía infrarroxa media; procesos moleculares básicos y la tresferencia radiativa de radiación de llinia y radiación de continuu.
Van Dishoeck ta casada con Tim de Zeeuw,, tamién profesor d'Astronomía na Universidá de Leiden, quien hasta setiembre del 2007 foi'l direutor xeneral del Observatoriu Européu Austral.
Premios y distinciones A lo llargo de la so carrera académica recibió múltiples premios, incluyíos los siguientes: Medaya Dorada de la Real Sociedá Holandesa de Química en 1994.
Premiu Spinoza nel añu 2000.
Premiu Bourke de la Real Sociedá de Química (UK) nel añu 2001.
Premiu Lise Meitner Gothenburg, recibíu nel añu 2014.
Premiu Mundial de Ciencia Albert Einstein nel añu 2015.
Premiu Kavli n'astrofísica en 2018.
Referencies
Enllaces esternos Páxina personal de la profesora van Dishoeck nel Observatoriu de Leiden
Categoría:Astrónomos y astrónomes de los Países Baxos Categoría:Químicos y químiques de los Países Baxos Categoría:Persones de Leiden