Julia Carabias Lillo. (Ciudá de Méxicu, Distritu Federal; 11 d'agostu 1954). Bióloga mexicana pola Universidá Nacional Autónoma de Méxicu onde foi integrante del Conseyu Universitariu (1989-93). Militó nel Movimientu d'Aición Popular (1981) y nel Partíu Socialista Unificáu de Méxicu (1986). Foi presidenta del Institutu Nacional d'Ecoloxía, y secretaria de Recursos Naturales y Pesca nel gobiernu d'Ernesto Zedillo. Ye miembru del Sistema Nacional d'Investigadores.
Julia Carabias recibió en 2004 el Premiu Internacional Cosmos 2004 poles sos investigaciones y llogros nel campu de la defensa del mediu ambiente. Foi escoyida ente 122 candidatos de 19 países. En Osaka, Xapón, recibió un diploma. Tamién-y dieron 3.8 millones de pesos que, donó pa crear el Centru Llatinoamericanu de Capacitación pal Caltenimientu de la Biodiversidá na rexón de la Selva Lacandona de Chiapas.
Julia Carabias tuvo casada con José Woldenberg, quien en payares de 1996, mientres ella yera secretaria de Mediu Ambiente, Recursos Naturales y Pesca, foi designáu conseyeru presidente del Institutu Federal Eleutoral.
N'avientu de 2017 foi gallardoniada pol senáu cola medaya Belisario Domínguez "pola so distinguida contribución al cuidu del ambiente".
Premios Premiu Getty (2000) Premiu Cosmos (2004) Campeones de la Tierra de ONX (2005) Medaya Belisario Domínguez (2017)
Ver tamién Gabinete d'Ernesto Zedillo Ponce de León Selva Lacandona
Referencies
Categoría:Biólogos y biólogues de Méxicu Categoría:Persones de Ciudá de Méxicu Categoría:Biólogos y biólogues de Méxicu Categoría:Wikipedia:Mantenimientu:Persones ensin plantía nym