María Isabel Arriortua Marcaida ye una química española, investigadora, profesora dende 1976 y caderalga de Cristalografía y Mineraloxía na Universidá del País Vascu (UPV/EHU) dende 1992.
Trayeutoria Arriortua ye llicenciada en Química pola UPV/EHU en 1976 y convirtióse en doctora del Departamentu de Petroloxía y Xeoquímica en 1981. Desenvolvió parte de la so tesis doctoral, de tíutlo Cristaloquímica de dalgunos calcogenuros ternarios de plomu y indiu na Universidá Louvain-la-Neuve, en Bélxica. Ye caderalga de Cristalografía y Mineraloxía dende 1992 na Facultá de Ciencia y Teunoloxía de la UPV/EHU.
Creó'l grupu d'investigación IMaCris/MaKrisI en materiales cristalinos con otros profesores de la so facultá, onde s'investiguen alternatives a los combustibles fósiles según nel diseñu, carauterización, propiedaes y aplicaciones de distintos materiales.
Foi pionera na investigación de sistemes multifuncionales que pueden tener diverses aplicaciones nel ámbitu del mediu ambiente o la enerxía. Les investigaciones realizaes como direutora d'equipu dieron llugar a nuevos materiales microporosos y piles SOFC con aplicaciones tantu n'automóviles como na industria y el sector domésticu. Recibió'l Premiu Euskadi d'Investigación y Teunoloxía en 2010.
Forma parte de distintos grupos de rellacionaos cola cristalografía y la investigación. Ente otros, ye vocal del Comité Español de la Unión Internacional de Cristalografía dende1985, y vicepresidenta del Grupu Especializáu de Cristalografía dende 1996. En 2002 foi nomada Direutora de los Servicios Xenerales d'Investigación SGIKER nel Vicerrectorado d'Investigación de la UPV/EHU. Dende 2002, ye tamién Vocal de la Comisión d'Investigación de la UPV/EHU. Premios y reconocencies Dende 2012, ye una de les dos úniques muyeres miembru de númberu de l'Academia de les Ciencies, les Artes y les Lletres Vasca, Jakiunde. Tien un 42 nel índiz de Hirsch de clasificación de los meyores científicos (h=42). En 2010, foi gallardoniada col Premiu Euskadi d'investigación en Ciencia y Teunoloxía. Dende 2014, ye una de los diez miembros del comité asesor científicu del Gobiernu Vascu pa la implantación de la Estratexa Vasca de Ciencia y Teunoloxía nel Horizonte 2020.
Publicaciones Arriortua escribió numberosos artículos científicos nel Boletín de la Sociedá Española de Minerología. Tamién collaboró n'obres coleutives y, dende 2010, dirixe tesis doctorales na UPV/EHU. Amás, collaboró en distintos llibros del so ámbitu d'investigación: Mother Structures Related to the Hexagonal and Cubic Close Packing in Cu24 Clusters: Solvent Influenced Derivatives. CrystEngComm, 17 (2015) 3297-3304. Heterogeneous catalytic properties of unprecedented μ-O-[FeTCPP]2 dimers (H2TCPP = meso-tetra(4-carboxyphenyl)porphyrin): an unusual superhyperfine EPR structure. Dalton Transactions, 44 (2015) 213-222. Water-induced phase transformation of a CuII coordination framework with pyridine-2,5-dicarboxylate and di-2-pyridyl ketone: synchrotron radiation analysis. CrysEngComm, 17 (2015) 6346-6354. Hybrid vanadates constructed from extended metal–organic arrays: crystal architectures and properties. CrystEngComm, 16 (2014) 10332-10366. CuII–PDC-bpe frameworks (PDC = 2,5-pyridinedicarboxylate, bpe = 1,2-di(4-pyridyl)ethylene): mapping of herringbone-type structures. CrystEngComm, 16 (2014) 8726-8735.
Referencies
Enllaces esternos
Boletín de la Sociedá Española de Minerología Curriculum Vitae de María Isabel Arriortua
Categoría:Químicos y químiques d'España Categoría:Científicos y científiques d'España Categoría:Investigadores Categoría:Cristalógrafos y cristalógrafes Categoría:Persones de Barakaldo