Neufila foi un eclesiásticu suevu, obispu católicu de Tui nel sieglu VI.
Consagráu antes del añu 580, en tiempos del rei Miro, el so episcopáu trescurrió mientres les lluches de poder asocedíes a la muerte d'ésti. Tres los curtios reinaos d'Eborico y Andeca, nel añu 585 el rei visigodu Leovigildo conquistó'l reinu suevu y nun intentu por introducir el arrianismu como relixón oficial, ordenó'l destierru de los prelaos católicos, nomando a Gardingo obispu arrianu de Tui. La persecución nun duró enforma, pos al añu siguiente Leovigildo morrió, y el so fíu Recaredo restauró'l catolicismu.
Consta la presencia de Neufila nel conceyu de Toledo del añu 589; desconozse cuánto tiempu sobrevivió más allá d'esta fecha. Asocedió-y na sede Gardingo, que nesti mesmu conceyu abjuró de la so relixón y reconoció la so fidelidá a la ilesia católica.Prudencio de Sandoval: Antigüedá de la ciudá ya ilesia catedral de Tui, p. 26.Enrique Flórez: España sagrada, vol. XXII, p. 29.
Referencies
Categoría:Obispos de Tui Categoría:Obispos d'España Categoría:Suevos n'España Categoría:Hispania visigoda Categoría:Wikipedia:Mantenimientu:Persones ensin plantía NF