La sablera de Calambre ye un pedreru que ta asitiada xunto al pueblu asturianu del mesmu nome. La so forma ye similar a un cortáu na roca, perpendicular a la llinia del cantu de l'agua, na que nel so últimu tramu y nos momentos de baxamar apaez una pequeña zona de sable. Con vehículu puede llegase hasta unos 500 m de la sablera. La sablera ye de roca y arena, el grau d'urbanización ye baxu y el d'ocupación tamién. Nun tien nengún tipu de serviciu.
Cerca de la sablera tán les llocalidaes de Tapia de Casariego y A Retela y xusto detrás de la sablera ta'l pueblu de Calambre. Pa llegar a la sablera dende Calambre hai que tomar un camín escontra'l mar que la so única referencia ye árbol solitariu, escontra'l norte. El descensu ye bien empináu, llenu de vexetación y abondo difícil. Les piedres de cantos afilaos y les dificultaes d'accesu citaes faen qu'esta sablera sía bien pocu visitada. Sía que non, si quier baxase a ella encamiéntase calzáu fuerte. Mientres la pleamar les foles azoten fuertemente les roques polo qu'hai qu'estremar los procuros.
Referencies
Enllaces esternos
Calambre Categoría:Espacios naturales d'Asturies