La sablera d'El Regueru, tamién conocida como sablera del Cordial, atópase nel conceyu asturianu de Castrillón, y pertenez a la llocalidá de Bayas. La so redolada ye rural, y el grau d'urbanización y d'ocupación son baxos. El so llechu ta formáu por regodones, sable de granu grueso y escuro y con afloramientos de roques. Los graos d'ocupación y urbanización son mediu-baxos.
P'aportar a esta sablera hai qu'alcontrar los pueblos más grandes de les sos proximidaes. Nesti casu son: El Cuetu y Bayas. La sablera ta allugada al este del cabu Vidrias y pola punta del Socorru». Si se parte de Bayas en direición al campusantu crúciase con una carretera a unos 100 m que va escontra la derecha y que ta señalizada como «carretera trancada». Tomando precisamente esta carretera puede baxase en coche unos dos km y llégase a un pequeñu aparcamientu y al pasu de la sienda costera». Darrera del aparcamientu y aprovechando'l calce del regueru d'El Regueru llégase cenciellamente a la sablera. Nun tien nengún serviciu y les actividaes encamentaes son la pesca submarina, submarinismu y la recreativa a caña. Puede llevase la mascota. Ye bien recomendable percorrer la sienda costera en dambos sentíos yá que cada unu d'ellos ufierta panorámiques bien distintes y curioses.
Referencies
Enllaces esternos
El Regueru Categoría:Espacios naturales d'Asturies