Mercedes Neuschäfer-Carlón foi una escritora asturiana. A la so nacencia n'Uviéu foi bautizada como María Mercedes Carlón Sánchez, pero al casase en 1958 con Hans-Jörg Neuschäfer, tuvo qu'anteponer al so propiu apellíu'l del so home, como entós mandaba la llei n'Alemaña.
Biografía Cursó'l bachilleratu en Xixón y ganó, con 17 años, por oposición una plaza nel Ministeriu de Facienda (cuerpu de contabilidá del Estáu). Estudió na facultá de Filosofía y Lletres de la Universidá d'Uviéu, llicenciándose na Universidá de Madrid (1957).
Dende 1958 mora davezu n'Alemaña. Na Universidá de Giessen exerció como profesora d'español, actividá qu'abandonó pa dedicase a la enseñanza de fíos d'emigrantes españoles en Saarland y Tréveris. D'esta esperiencia docente derívase la so creación narrativa que tien por protagonistes y destinatarios a los neños y nuevos. Sicasí y qu'en parte narren les vivencies de la mesma autora mientres la Guerra Civil y la Posguerra, dirixir a adultos y a mozos a partir de los 14 años.
Obra
Otres publicaciones Literatura española. De las Jarchas al siglo XXI. Antología comentada.- Stuttgart (Reclam) 2006 Collaboraciones na prensa (ABC; Norte de Castiella; La Nueva España; El Corréu d'Asturies) y en revistes de crítica lliteraria (“Cuadiernos del Norte” [España], “Tranvía” y “Hispanorama” [Alemaña])
Películes basaes n'orixinales de M.N.-C. Rio d'Oru. Der Goldene Fluß (película xuvenil).- ZDF (Segunda cadena de la televisión estatal alemana) 1988 Der Apfel [La mazana].- ZDF (Segunda cadena de la televisión estatal alemana) 1989.
Distinciones Tien el premiu AMADE (Asociación mundial d'amigos de los neños) 1976. Ta na llista d'honor de la C.C.E.I. Gran parte de los sos llibros fueron escoyíos como “White ravens” pola Biblioteca Internacional de la Mocedá de Múnich. Fragmentos d'ellos tán n'Antoloxíes y llibros d'Enseñanza.
Bibliografía Rosemarie Bollinger: Wege die niemand mehr zertrampelt [Caminos que yá naide puede estrozar]; en: Deutsches Allgemeines Sonntagsblatt. Kulturmagazin, 25.1.1987 Gonzalo Sobejano: De la niñez nos trenta; en: Los Cuadiernos del Norte, Marzu-abril de 1987 Maria C. Pérez Montero: Lliteratura narrativa a la midida de los neños; en: El Norte de Castilla, 7.11.1992 Anabel Sáiz Ripoll: La obra de Mercedes Neuschäfer-Carlón: hestories ensin edá; en: Primeres noticies. Revista de lliteratura non. 228 (2007) Dellos trabayos de fin de carrera en distintes Universidaes alemanes. El más completu: B. Thonabauer: Inhalte, Themen und Konzepte im Romanwerk von Mercedes Neuschäfer-Carlón.- Frankfurt 2002.
Referencies
Enllaces esternos
Mercedes Neuschäfer-Carlón
Categoría:Escritores d'Uviéu Categoría:Escritores en castellanu Categoría:Alumnáu de la Universidá d'Uviéu