Óscar Álvarez González foi un porteru de fútbol asturianu nel primer terciu del sieglu XX qu'algamó gran relevancia a lo llargo de la so carrera, siendo l'habitual suplente de Zamora na seleición española, xugando tola so vida deportiva n'equipos uvieínos, primeru nel Real Stadium Club Ovetense y tres la fusión d'esti col Real Club Deportivo Oviedo en 1926, nel Real Uviéu. Tamién foi entrenador de fútbol, desenvolviendo esta faceta n'equipos asturianos de la Primera y Segunda División Nacional.
Empezó a xugar de porteru per casualidá sustituyendo a un compañeru que xugaba de porteru nun partíu en mancándose y llueu demostraría unes grandes cualidaes que-y fadríen destacar y llamar l'atención.
Los sos partíos defendiendo la camiseta del Stadium convirtiéron-y en famosu a nivel rexonal, pero habríen de ser les sos actuaciones nel Campeonatu d'España de rexones les que-y dexaren tener una reconocencia mayor, d'ámbitu nacional. N'esaniciando a les seleiciones vasco y catalano, la gran llombarada llegaría'l 25 de febreru de 1923 cuando Asturies proclamóse campeona d'España en ganando a Galicia por 3-1 nel campu vigués de Coya.
Foi unu de los principales promotores de la fusión ente Stadium y Deportivu y defendería la camiseta del Real Uviéu, actuando como capitán, dende'l primer día de la so esistencia hasta que la Guerra Civil atayó les competiciones futbolístiques, en recuperándose en 1930 d'una quebra de clavícula que paecía diba estrema-y de la práctica del fútbol.
Como entrenador, dirixó al Real Uviéu en Primer División na temporada 1941-42. En Categoría Nacional, tamién dirixó a otros equipos asturianos, toos na Segunda División: Caudal Deportivo de Mieres ente 1951 y 1953, Real Avilés na temporada 1954-55, de nuevu al Real Uviéu na 1955-56 y finalmente al Círculo Popular de La Felguera na 1957-58
Trayectoria EquipuTemporada Stadium Ovetense 1924 - 1925 Real Uviéu 1927 - 1936
Referencies
Enllaces esternos
Categoría:Entrenadores del Real Uviéu Categoría:Entrenadores del Caudal Deportivo Categoría:Entrenadores del Real Avilés Club de Fútbol Categoría:Futbolistes d'Uviéu Categoría:Porteros de fútbol