Edward Ullendorff foi un llingüista, semitólogo ya historiador británicu especializáu nel estudiu d'Etiopía y Eritrea.
Biografía Nació na ciudá suiza de Zúrich el 25 de xineru de 1920, nel senu d'una familia alemana. Emigró en 1938 d'Alemaña a raigañu del réxime nazi y pasó por Israel, Eritrea y Etiopía. Ullendorf, especialmente dotáu pa los idiomes y espertu en llingües semítiques, foi profesor en diverses universidaes britániques: Oxford, Saint Andrews, Manchester y, finalmente, na Escuela d'Estudios Orientales y Africanos de la Universidá de Londres.
Fundador y editor na década de 1940 de la revista Eritrean Weekly News, foi miembru tanto de la British Academy como de la Royal Asiatic Society. Participó en Journal of Semitic Studies y Bulletin of the School of Oriental and African Studies.
Foi autor de títulos como The Semitic Languages of Ethiopia—A Comparative Phonology (1955), The Ethiopians: an introduction to country and people (1960), Ethiopia and the Bible (1968) o The Two Zions: Reminiscences of Jerusalem and Ethiopia (1988), amás d'editor xunto a C. F. Beckingham The Hebrew Letters of Prester John (Oxford University Press, 1982), del Preste Xuan, y, xunto a Michael A. Knibb, d'una edición del Llibru de Enoc etiópicu (1978), ente otros testos.
Finó en Oxford el 6 de marzu de 2011.
Referencies
Bibliografía
Categoría:Estudiosos d'Etiopía Categoría:Persones de Zúrich Categoría:Semitólogos y semitólogues Categoría:Orientalistes del Reinu Xuníu