La llingua fang o pamue ye una llingua d'África Central falada polos pueblos de la etnia fang. Ye una llingua de la familia bantú y fálase en Guinea Ecuatorial, na zona norte de Gabón, na zona sur de Camerún y en menor midida na República del Congo y en Santu Tomé y Príncipe. Calcúlase qu'en 1993 tenía 858 000 falantes y en 2007 la cifra superaba'l millón (1 027 900). Ye mutuamente intelixible con otres llingües del grupu beti como'l bebele, el bebil, el bulu, el etono, el ewondo y el mengisa.
Ente 1970 y 1979, el fang sustituyó al español como llingua oficial de Guinea Española (güei llamada Guinea Ecuatorial).
Dialeutos Tien seis dialeuto que son: Ntúmu. Ací. Mvɛ́ñ o mvai. Okak. Mekaá, maká o meká. Nzaman o njaman.
Ortografía Nun tien una ortografía regulada, cuando s'escribe suelse emplegar lletres llatines ensin representar tolos soníos: la e úsase para [e] y [ɛ], ng para [ŋ] y [ŋg], o para [o] y [ɔ] y usualmente nun se trescriben los tonos. Basada nes ortografíes d'otres llingües africanes, Michael Füstumum creó'l 23 de xunu de 2015 una carauterizada por representar tolos sos soníos; con estes convenciones, el conxuntu de grafemes usaos pal fang vien dau por:
LletraA aB bC cD dE eƐ ɛF fG gGb gbH hI iJ jK kKp kpL lM mNomeabacadaee ŋkúánfagagbahaiyijakakpalamaAFI[a][b][c][d][e][ɛ][f][g][ɡ͡b][h][i][ɟ][k][k͡p][l~ɾ][m~ɱ]LletraN nÑ ñŊ ŋO oƆ ɔP pR rS sT tU uV vW wY yZ zʔ ʔNomenañaaŋoo ŋkúánpaeresatawuvawayánzahamzaAFI[n][ɲ][ŋ][o][ɔ][p][ɾ~l][s][t~ɾ][u][v][w][j][z][ʔ]
La h solo úsase n'interxecciones y en pallabres d'orixe estranxeru. Les pallabres nun pueden empezar por ɛ, i, ɔ, r, o, z nin ʔ, una y bones esta postrera pronúnciase al entamu de les vocales como nel restu de les llingües y nun va faer falta escribila, les sos respeutives lletres mayúscules van usase solo en nomes estranxeros o cuando s'escriba tou en mayúscules. La ŋ solo puede empezar nos conxuntos prenasalizados ŋg, ŋgb, ŋk y ŋkp. La p y la g solo pueden empezar en pallabres d'orixe estranxeru, qu'en munchos casos la g inicial suelse reemplazar por ŋg.
Les vocales llargues escríbense dos veces (aa). Nun s'usen les lletres q (ku) y x (kisa) más qu'en nomes estranxeros. Los tonos pueden escribise por aciu acentos diacríticos: Alto: acentu agudu (á) Mediu: ensin acentu (a) Baxu: acentu grave (à) Alto-descendiente: macrón (ā) Ascendiente: acentu circunflexu (â) Descendiente: carón (ǎ)
Fonoloxía Vocales El fang tien 7 vocales que caúna d'elles pueden ser curties o llargues: +Fonemes vocálicosAnteriores (curtia/llarga) Posteriores (curtia/llarga)Zarraes (ĩ) (ũ)Semicerradas (ẽ) (õ)Semiabiertas (ɛ̃) (ɔ̃)Abiertes (ã)
Les vocales nasales son alófonos de respeutives vocales orales que se pronuncien cuando van precedíes por [ŋ] o [ɲ]. Les pallabres nun pueden empezar por [ɛ], [i], [ɔ] nin [o].
Diptongos Los diptongos pueden ser una combinación de cualesquier de les vocales más [j] o [w], [ea], [oe], [oa], [ua].
Tonos El fang estrema seis tono distintos, convencionalmente llamaos alto, mediu, baxu, alto-descendiente, ascendiente, descendiente.
Consonantes En fang hai 24 consonantes. La mayoría d'elles pueden prenasalizarse: +Fonemes consonánticosLlabialDentalAlveolarAlveolopalatarVelarGlotalNasalPlosiva Fricativu Aproximante Radical
[h] solo úsase n'interxecciones y en pallabres d'orixe estranxeru. Les pallabres nun pueden empezar por [ŋ] (sacante nes combinaciones [ŋg], [ŋgb], [ŋk], [ŋkp]), [ɾ] nin [z]. [g] y [p] pueden empezar solo en pallabres d'orixe estranxeru, y en munchos casos, [g] suel reemplazase por [ŋg].
Exemplos Dalgunos exemplos de llingua fang de la zona de Guinea Ecuatorial, son los siguientes: Hola (a una persona) = Mbóló, Mbólan Hola (a delles persones) = Mbólani Hola (al teléfonu) = Mbólan Bonos díes = Mbɛmba kírí Bones tardes = Mbɛmba alú Bones nueches = Mbɛmba ŋgogo Gracies = Akíba ¿Cómo tas? = Ye one mvoʔy? O yaha? ¡Cuánto tiempu ensin vierte! = Mě bemǎ wo yên! ¿Cómo te llames? = One eyola na?, One júiñ yá? Llámome... = Mene júiñ/eyola náá... ¿D'ónde yes? = One é vóm? Yo soi de... = Mene mot ye... Enforma gustu = Mvên/Nzâm ye a nnêm Adiós = Máʔan Hasta depués = Fáʔá ve dên Hasta mañana = Fáʔá ve okíkí Bona suerte = Ocúga wulu ¡Que tengas un bon día! = Á wɔ̀k ne mbólo! Falo Fang = Ma kɔ̀b Faŋ Nun falo Fang = Maha kɔ̀b Faŋ Entiendo Fang = Ma wɔ̀k Faŋ Nun entiendo Fang = Maha wɔ̀k Faŋ Carru = Motúa ¿Ónde vas? = Wǎ ke ve? Voi a casa = Ma ke ándá Voi a la escuela = Ma ke a sikólo/sikúlu Toi enfermu = Ma ŋkókɔ̌n ¿Qué dixisti? = Wǎ jón á jé? Dixi... = Maa jó náá/néé Quiero comer = Ma kúmá jí País = Sihi Arcu iris = Ncúcǔm Mar = Mâŋ Casa = Ndá Palancana = Nceŋa Ríu pequeñu = Otoŋ Ríu grande = Osúiñ
Númberos 0= Nzese, nzenze 1= Fɔ́ʔɔ́ 2= Bɛ̌ñ 3= Láa 4= Nii 5= Tân 6= Saman 7= Nzamgbáá 8= Muom 9= Ebuú 10= Awôm
Referencies
Enllaces esternos http://www.traductor.tudir.es (traductor español/fang en llinia) Bantulanyi Datos en Ethnologue sobre la llingua fang PanAfriL10n page on Beti (incl. Fang) Map of Fang language from the LL-Map project Information on Fang language from the MultiTree project (nun funcionar) https://web.archive.org/web/20061013032843/http://dicts.info/1/fang.php (nun funcionar)
Categoría:Llingües beti Categoría:Llingües de Guinea Ecuatorial Categoría:Llingües de Camerún Categoría:Llingües de la República del Congo Categoría:Llingües de Gabón Categoría:Llingües de Santu Tomé y Príncipe