La llingua de señes ecuatoriana o d'Ecuador (LSEC) ye la principal llingua de señes emplegada pola comunidá sorda n'Ecuador. Como toles llingües de señes naturales, ye un idioma con gramática y vocabulariu propios, non una adautación de la llingua falada.
Carauterístiques La LSEC ta clasificada como una llingua aisllada: nun se-y demostró orixe en nenguna otra llingua de señes esistente. Sicasí, por cuenta de décades d'estensu contautu ente la comunidá sorda ecuatoriana ya instructores y pares d'otres nacionalidaes, alredor del 30 % del vocabulariu de la LSEC provién de la llingua de señes americana y cerca del 20 % provién de la llingua de señes española. Les señes d'orixe estranxeru son más comunes nel llinguaxe de los mozos. Ente los dirixentes de la comunidá sorda ecuatoriana esiste un movimientu purista que busca remover les señes d'orixe d'Estaos Xuníos y reemplazales por señes ecuatorianes natives.
Tal como asocede na llingua española falada n'Ecuador, esisten dos geolectos con llixeres diferencies de vocabulariu: el dialeutu costeño, centráu en Guayaquil, y el dialeutu Rexón interandina del Ecuador serranu, centráu en Quitu.
Diccionarios El principal diccionariu de la llingua de señes ecuatoriana ye'l «Gabriel Román » (2014), desenvueltu pol Conseyu Nacional d'Igualdá de Discapacidaes (CONADIS) en collaboración cola Federación Nacional de Sordos del Ecuador (FENASEC) y la Universidá Teunolóxica Indoamérica. El diccionariu inclúi la traducción de 5.000 señes y una pequeña descripción querológica del idioma.
En 2012 la Vicepresidencia de la República presentó'l «».
Referencies
Categoría:Llingües de señes o de signos Ecuatoriana Categoría:Llingües d'Ecuador