El Palaciu de Balsera o Sendón ta asitiáu nel conceyu asturianu d'Avilés. Anguaño ye la sede del Conservatoriu Municipal de Música Julián Orbón.
Esti palaciu foi construyíu a principios del sieglu XX, probablemente 1917, pol arquiteutu Palacios pa Victoriano Fernández Balsera, un ricu comerciante avilesín. L'edificiu «a mediu camín ente'l modernismu y l'eclecticismu»Alberto del Río y Juan Carlos de la Madrid carauterízase por «un interesante xuegu de volúmenes ascendentes, dende'l chaflán curvu nel ángulu a la esbelta torre d'inspiración historicista»Marín Valdés.
Ta decoráu de forma profusa y l'interior conservase en perfeutu estáu.
Foi declaráu Bien d'Interés Cultural con categoría de Monumentu'l 3 d'ochobre de 1991BOPA 24 d'ochobre de 1991.
Referencies
Categoría:Bienes d'interés cultural d'Asturies Palaciu de Balsera Categoría:Palacios d'Asturies