Katherine Louise Bouman ye una profesora d'informática nel Institutu de Teunoloxía de California. Investiga métodos computacionales pa imáxenes y lideró la primer visualización d'un furacu negru emplegando'l proyeutu Event Horizon Telescope. miniaturadeimagen|250x250px|Primer semeya d'un Furacu negru supermasivu tomada pol Telescopiu del Horizonte de Socesos en 2019.
Biografía Bouman sintió per primer vegada sobro'l proyeutu Event Horizon Telescope. cuando yera estudiante de secundaria en West Lafayette, Indiana.
Estudió inxeniería eléctrica na Universidá de Michigan y graduóse cum laude. Llogró un máster n'inxeniería eléctrica nel Institutu Teunolóxicu de Massachusetts, onde tamién completó'l so doctoráu.
Bouman foi miembru del MIT Haystack Observatory. Foi becada pa posgrau de la Fundación Nacional de Ciencies.
La so tesis Estimating Material Properties of Fabric through the observation of Motion foi gallardonada col Premiu Ernst Guillemin a la meyor tesis. Ingresó na Universidá de Harvard como becaria postdoctoral nel equipu Event Horizon Telescope Imaging.
En 2017, impartió una charra TED: Cómo tomar una semeya d'un furacu negru.
Trayeutoria Bouman ingresó nel Institutu de Teunoloxía de California como profesora asistente en 2019. Les sos investigaciones traten sobro nuevos sistemes pa imáxenes computacionales.
N'abril de 2019 foi responsable de les primeres semeyes d'un furacu negru, apurriendo sofitu computacional pa deprender sobro la relatividá xeneral nel réxime de campu fuerte. Teorizó que los furacos negros dexen una solombra de fondu de gas caliente.
La semeya foi llograda con una rede d'ocho telescopios asitiaos en distintos puntos del mundu, con ondes de radio que-yos dexaron travesar el polvu galáctico, y complementada con un algoritmu que foi creáu por Bouman, quien esplicó que s'utilizó tola Tierra como telescopiu:Los ocho telescopios nun yeren abondo, Bouman creó l'algoritmu col envís d'enllenar grandes vacíos nos datos.
Escribió artículos pa la revista inglesa Astronomy Now.
Referencies
Enllaces esternos Sitiu web oficial en Caltech
Categoría:Persones d'Indiana Categoría:Informáticos ya informátiques d'Estaos Xuníos Categoría:Astrónomos y astrónomes d'Estaos Xuníos