El Parllamentu de Galicia ye la institución onde mora'l poder llexislativu de la comunidá autónoma de Galicia (España). Como los parllamentos de País Vascu, Cataluña y Andalucía, el Parllamentu de Galicia foi constituyíu tres les primeres eleiciones autonómiques, celebraes en 1981, a partir de la redaición del Estatutu d'Autonomía pol procedimientu marcáu nel artículu 151.2 de la Constitución, polos miembros de les Cortes Xenerales escoyíos nes provincies correspondientes na primer llexislatura de la monarquía, presidida por Adolfo Suárez.
La primer sesión constitutiva del Parllamentu de Galicia tuvo llugar el 19 d'avientu de 1981 (I Llexislatura) nel Palaciu de Gelmírez, una vegada celebraes les primeres eleiciones autonómiques de la nuesa historia, el 20 d'ochobre de 1981.
Primeramente, el 18 de mayu de 1981, entrara a valir l'Estatutu d'Autonomía de Galicia, aprobáu nel referendu celebráu'l 21 d'avientu de 1980.
Sede miniaturadeimagen|left|Fachada del edificiu sede del parllamentu.
El Parllamentu de Galicia tien la so sede nel Palaciu del Horru, en Santiago de Compostela, dende l'añu 1989. Primeramente, ocupara dos sedes provisionales (los palacios de Gelmírez y de Fonseca, dambos en Santiago). L'edificiu foi construyíu a principios del sieglu XX p'allugar una Escuela de Veterinaria.
El Palaciu del Horru cuenta con toles dotaciones necesaries pa que los diputaos y diputaes puean facer el so trabayu: salón de plenos, sales de comisiones, de prensa y otres dependencies d'usu polivalente, tanto pa les xuntes de calter internu como pa l'actividá pública y alcuentros con coleutivos. Un completu equipamientu tecnolóxicu dexa ufiertar en directu, al traviés de la web, les sesiones del Plenu y de les comisiones.
El Parllamentu alluga tamién una variada y pervalible coleición d'arte gallego contemporaneu, pintura y escultura, fundamentalmente, y cuenta con una nutrida biblioteca.
Composición 90x90pxGrupos Parlamentarios del Parllamentu de Galicia (X llexislatura)NomePartíosVoceruEscañosGP Popular26x26px PPdeGPedro Puy Fraga41GP dos Socialistas de Galicia23x23px PSdeG-PSOEXoaquín María Fernández Leiceaga14GP Grupo Común da Esquerdaalt=|34x34px En Común: 934x34px Anova: 1José Manuel Lago Peñas10GP del BNG23x23px BNGAna Belén Pontón Mondelo6GP Mestu23x23px En MareaLuís Villares Naveira4
Ver tamién
Xunta Xeneral del Principáu d'Asturies Parllamentu d'Andalucía Parllamentu de Cataluña Parllamentu de Canaries Parllamentu Vascu Cortes Valencianes Congresu de los Diputaos Senáu d'España Parllamentu Européu
Enllaces esternos
Referencies