Ana María Miranda Paz ye una política española d'ideoloxía nacionalista gallega. Foi diputada del Bloque Nacionalista Galego (BNG) nel Parllamentu Européu, onde formó parte del grupu parllamentariu Alianza Llibre Europea-Los Verdes.
Biografía Trayeutoria académica Estudió Drechu na Universidá de Santiago de Compostela y na de Passau (Alemaña), especializándose en Drechu Européu na Universidá d'A Coruña y na Universidá Católica de Lovaina (Bélxica).
Ye esperta en Drechu Comuñal y tien una llarga esperiencia nel Parllamentu Européu. Ente 1998 y 1999 llogró la bolsa "Leonardo" pa realizar práutiques nuna consultora en Bruxeles y la bolsa de práutiques nel Conseyu de la Xunión Europea nes árees de política rexonal y social.
Políglota, ye autora de numberosos artículos sobre drechos humanos, rellaciones internacionales, migraciones y asuntos europeos.
Trayeutoria política Nes eleociones al Parllamentu Européu de 2009 representó al BNG na llista d'Europa de los Pueblos Verdes, con Esquerra Republicana de Catalunya (ERC) y otros nacionalistes d'izquierdes. Coincidiendo col cambéu de la presidencia a mediaos de la séptima llexislatura nel Parllamentu Européu, ocupó'l so escañu n'Estrasburgu'l 16 de xineru de 2012. Les sos prioridaes foron la participación na negociación de los fondos europeos 2014-2020, el sector naval, el sector agropecuariu y el restu d'actividaes de los llamaos sectores granibles. Permaneció nel cargu hasta'l 9 de xunetu de 2013.
Nes eleiciones al Parllamentu Européu de 2014 foi nel segundu puestu de la llista eleutoral de Los Pueblos Deciden, coalición d'EH Bildu, BNG y otres fuercies nacionalistes d'Asturies, Canaries y Aragón.El BNG presenta la so candidatura para les europees, La Voz de Galicia, 22 de marzu de 2014. La candidatura solo llogró un diputáu; pero, siguiendo los pactos de la coalición, Josu Juaristi (EH Bildu) venció'l so escañu en febreru de 2018, cuando quedaba añu y mediu pal final de la llexislatura.
Referencies
Categoría:Políticos y polítiques de Galicia Categoría:Wikipedia:Mantenimientu:Persones ensin plantía NF