El Partíu Comunista de los Trabayadores d'España (en castellán, Partido Comunista de los Trabajadores de España) (PCTE) ye un partíu políticu español d'ideoloxía marxista-leninista. Surde'l 3 de marzu de 2019 tres una dixebra nel Partíu Comunista de los Pueblos d'España. El so presidente ye Ástor García.

Historia

Dixebra nel PCPE y fundación N'abril de 2017, tres la V Sesión Plenaria del Comité Central del Partíu Comunista de los Pueblos d'España, lluches internes provocaron la dixebra del partíu. Una parte del Comité Central proclamó a Ástor García como'l nuevu secretariu xeneral del PCPE, sustituyendo a Carmelo Suárez, nel cargu dende 2002, que foi apoyáu na so posición de secretariu xeneral pola mayoría del Comité Central. El sector d'Ástor García creó una nueva páxina web coles sigles del PCPE desplicando esti nomamientu, mientres que na web del otru sector denunció la designación de García como un "actu afraccionariu". A partir d'esi momentu, los dos sectores actuaron de facto como dos partíos diferentes, pero utilizando dambos el mesmu nome.

A nivel internacional, el Partíu Comunista de Méxicu, el Partíu Comunista de Grecia (KKE), el Partíu del Trabayu d'Austria y el Partíu Comunista de'Italia sofitaron a Ástor García como secretariu xeneral del PCPE. Tamién realizaron eventos conxuntos nos que participó'l Partíu Comunista de Turquía. Del mesmu xeitu, la direición y la mayoría de los militantes y los Coleutivos de la Mocedá Comunista (CJC) sofitaron a Ástor García. Nesti sen, 220 militantes del PCPE y CMC amosaron un documentu qu'apoyaba les decisiones feches pola direición liderada por García, subscribiendo un alcuerdu de cinco puntos en defensa'l partíu, mientres que delles organizacións territoriales emitieron declaraciones en defensa de la nueva direición, incluyendo les d'Euskadi, d'Asturies, de Cantabria, de Galicia, de Madrid, de les Islles Baleares, de Canaries, de Castiella y Llión y parte de Cataluña. Mediante la convocatoria d'una Conferencia Central se decidió celebrar un XI Congresu Extraordinariu que se celebró en payares de 2017 sol lema "Por un país pa la clas obrera, fortalezamos el PCPE".

Finalmente, el 3 de marzu de 2019 resolvióse per vía llegal la duplicidá de sigles. El sector encabezáu por Ástor García adoptó un nuevu nome, el Partíu Comunista de los Trabaydores d'España (PCTE), según lo dispuesto nel so XI Congresu extraordinariu.

ELEICIONES DE 2019 EL PCTE participó nes Eleiciones xenerales d'España d'abril de 2019, presentando candidatures en 26 provincias y algamando 14.189 votos (un 0,05%) y nes Eleiciones al Parllamentu Européu de 2019 con Ástor García como cabezaleru, algamando 19.081 votos (un 0,09%). Nel mesmu día de les eleiciones al Parllamentu Européu, el PCTE participó en cinco eleicones autonómiques y en dieciséis conceyos. Llograron dos conceyales nel antiguu conceyu mineru de Degaña nel sur d'Asturies. Tamién sofitó la loista llocal Asamblea Ciudadana Por Torrelavega (ACPT) la cual tamién algamara dos conceyales.

Mocedá Les mocedaes del partíu organícense nos Coleutivos de Jóvenes Comunistas. El mediu d'expresión del partíu ye la revista Nuevo Rumbo.

Resultaos eleutorales +Cortes XeneralesAñuVotos%abril de 201914,1890.05

+Parllamentu EuropéuAñuVotos%201919,0810.09%

+Eleiciones autonómiques de 2019AutonomíaVotos%Aragón5590.08%Asturies1.0820,21%Cantabria4790,15%Castiella y Llión1,1470.08%Comunidá de Madrid3,0130.09% +Eleiciones municipales 2019ConceyuAutonomíaVotos%EscañosAvilésAsturies2360,62%0CórdobaAndalucía3800,26%0DegañaAsturies14724,54%2XixónAsturies2890,21%0LlangréuAsturies1060,56%0LliónCastiella y Llión1190,18%0MadridComunidá de Madrid7910,05%0MálagaAndalucía1880,08%0MieresAsturies740,38%0UviéuAsturies1630,15%0SalamancaCastiella y Llión2330,31%0San Juan de AznalfaracheAndalucía1101,32%0ValladolidCastiella y Llión2290,14%0VigoGalicia2670,18%0ZaragozaAragón1.0360,31%0

Referencies

Enllaces esternos

Categoría:Partíos políticos d'España Categoría:Partíos comunistes d'España