La Ilesia de San Xuan de Priorio ye una ilesia asitiada na localidá de Les Caldes, parroquia del mesmu nome nel Conceyu d'Uviéu, Principáu d'Asturies, España, y a escasos metros del Balneariu de Les Caldes.
Foi construyida nos sieglos XII-XIII con ampliaciones posteriores: la espadaña, del sieglu XIII; les capiyes llaterales, el pórticu y el baptisteriu, de los sieglos XIX-XX.
Ye un templu d'estilu románicu de planta de cruz llatina con cubierta de cielu rasu, qu'antes foi de madera. L'ábside ye de bóveda de cañón y de media esfera nel centru.
Decoración derecha|miniaturadeimagen|250x250px|Tímpanu decoráu de la ilesia de San Xuan de Priorio L'elementu más destacáu de la ilesia ye'l tímpanu decoráu de la portada, elementu bien raru na arquiteutura románica d'Asturies. Representa a Cristu en Maxestá impartiendo la bendición y arrodiáu del tetramorfos que representa a los cuatro evanxelistes, el lleón de San Marcos, l'águila de San Juan, el toru de San Lucas y l'ánxel de San Mateo. La escena completanla dos ánxeles que sobrevuelen la escena.
Bibliografía
Referencies
Enllaces esternos
Categoría:Ilesies d'Asturies Categoría:Monumentos d'Uviéu Categoría:Bienes d'interés cultural d'Asturies