Beatriz Álvarez Mesa ye una ex-futbolista asturiana del Uviéu Modernu, club del que foi presidenta dende'l 16 de xunetu de 2009 hasta'l 2019, cuando la nomaron Direutora Xeneral de Deporte del Principáu d'Asturies. Ocupó esi cargu hasta'l 6 de mayu de 2022, cuando la reemplazó Aida Nuño Palacio.
Biografía Empezó a xugar al fútbol nes categoríes inferiores del Uviéu Modernu a los 12 años. Pasó por toles categoríes inferiores hasta llegar al primer equipu, del que se retiró a los 22 años. Darréu foi entrenadora, ocupó puestos na directiva y na comisión deportiva del club. Mientres la so presidencia, l'equipu pasó a integrase na estructura del Real Uviéu.
Ye diplomada en Maxisteriu na especialidá d'educación física pola Universidá d'Uviéu.
Ver tamién Real Uviéu Femenín
Referencies
Enllaces esternos
Categoría:Futbolistes d'Uviéu Categoría:Políticos y polítiques d'Asturies