Наскальныя малюнкі Міжземнаморскага ўзбярэжжа Іспаніі (таксама Леванцінскае мастацтва) — група з больш чым 700 месцаў на ўсходнім узбярэжжы Іспаніі, якія змяшчаюць узоры наскальнага мастацтва, што ўзыходзіць, магчыма, да палеалітычнага або, што больш верагодна, мегалітычнага перыядаў каменнага веку.
Малюнкі ўяўляюць сабой невялікія схематычныя фігуры людзей і жывёл; выяў раслін практычна не сустракаецца, але зрэдку прысутнічаюць выявы грыбоў. Дадзеная група з'яўляецца самым вялікім месцам канцэнтрацыі дагістарычных наскальных малюнкаў на тэрыторыі Еўропы. Хоць вялікая частка гэтых малюнкаў размешчана недалёка ад узбярэжжа, іх таксама знаходзяць у аўтаномных супольнасцях Арагон і Кастылія — Ла-Манча.
У 1998 годзе гэтыя наскальныя малюнкі былі ўключаны ў Спіс аб'ектаў Сусветнай спадчыны ЮНЕСКАRock Art of the Mediterranean Basin on the Iberian Peninsula, UNESCO.
Катэгорыя:Сусветная спадчына ў Іспаніі Катэгорыя:Петрогліфы Еўропы