«Дзеці — ахвяры заган дарослых» — скульптурная кампазіцыя як алегорыя змагання са злом і грамадскімі заганамі, усталявана на Балотнай плошчы ў Маскве на тэрыторыі сквера 800-годдзя Масквы. Усталявана ў 2001 годзе. Аўтар — мастак і скульптар Міхаіл Шамякін.
Апісанне Помнік складаецца з 15 скульптур. У цэнтры кампазіцыі - двое дзяцей з завязанымі вачамі. Каля іх ног ляжаць кнігі: «Народныя рускія казкі» і «Казкі» Аляксандра Пушкіна. Фігуры дзяцей атачаюць скульптуры ў выглядзе антрапаморфных монстраў, якія ўвасабляюць «дарослыя» заганы: Наркаманія — выява лысага мужчыны са шпрыцам і зламанымі крыламі. Прастытуцыя — фігура жанчыны з галавой жабы. Крадзеж — фігура мужчыны з галавой свінні, які нясе мяшэчак з грашамі. Алкагалізм — карыкатурная выява Бахуса з кубкам. Невуцтва — фігура асла ў цяльняшцы з бразготкай у руках. Ілжэнавуковасць — карыкатурная выява Феміды з шаломам на вачах, мадэллю атама і двухгаловай марыянеткай. Прапаганда гвалту — фігура гандляра зброяй. Садызм — фігура ў рызе з галавой насарога. Ганебны слуп для тых, хто без памяці у выглядзе стылізаванай гільяціны. Эксплуатацыя дзіцячай працы — фігура фабрыканта з птушынай галавой. Галеча — выява старой, якая просiць міласціну. Вайна — фігура рыцара ў даспехах, з крыламі і ў процівагазе, трымае бомбу). Абыякавасць — шматрукая фігура ў «футарале» накшталт саркафага, займае цэнтральнае месца ў кампазіцыі.
Катэгорыя:Міхаіл Шамякін Катэгорыя:Якіманка Катэгорыя:Помнікі Масквы