Касцёл Дзевы Марыі з Фацімы — касцёл у Лельчыцах.
Гісторыя
Уладальнік Лельчыцаў Фелікс Тышкевіч у 1909 годзе стаў ініцыятарам і фундатарам пабудовы першага мясцовага драўлянага касцёла. Святыня была асвечана ў 1913 годзе арцыбіскупам Вінцэнтам Ключынскім. Вядома, што пробашчамі парафіі былі Казімір Даўгяловіч у 1909—1910 гадах і Ян Жаўрыт у 1912—1913 гадах.
У 1922 годзе савецкія ўлады закрылі касцёл. Пазней святыню прыстасавалі пад сховішча. У 1943 годзе будынак згарэў.
Парафія ў Лельчыцах адрадзілася ў 1990 годзе. У 1991 годзе пачалося будаўніцтва парафіяльнага касцёла, завершанае ў 1998 годзе пад кіраўніцтвам пробашча ксяндза Збігнева Бояра. 4 верасня 1998 года новы касцёл быў кансэкраваны кардыналам Казімірам Свёнткам. Касцёл атрымаў тытул Найсвяцейшага Сэрца Езуса і Маці Божай Фацімскай.Гісторыя касцёла на сайце Католік бай
Літаратура Кніга памяць «Лельчыцкі раён» — С. 573
Катэгорыя:Касцёлы Лельчыцкага раёна Катэгорыя:Лельчыцы Катэгорыя:Касцёлы Пінскай дыяцэзіі Катэгорыя:1998 год у Беларусі