Матэматычная лінгвістыка — матэматычная дысцыпліна, прадметам якой з'яўляецца распрацоўка і вывучэнне паняццяў, якія ствараюць аснову фармальнага апарата апісання структуры натуральных моваў, у т. л. метамовы лінгвістыкі.
Дысцыпліна шырока карыстаецца матэм. метадамі тэорыі алгарытмаў, тэорыі аўтаматаў, алгебры, лінгвістычнымі канцэпцыямі структурнай лінгвістыкі. Метады дысцыпліны выкарыстоўваюцца ў тэорыі праграмавання дзеля апісання моваў праграмавання і транслятараў (гл. таксама: Бескантэкстныя граматыкі).
Дысцыпліна з'явілася каля 1950-х гг. з унутраных патрэб тэарэтычнай лінгвістыкі і задач аўтаматычнай перапрацоўкі моўнай інфармацыі. Паступова ператвараецца з чыста прыкладной дысцыпліны ў тэарэтычную, структурна прыналежную да матэматычнай логікі.
Інфармацыйныя тэхналогіі ў лінгвістыцы можна вызначыць, як сукупнасць законаў, метадаў і сродкаў атрымання, захавання, распаўсюджвання, перапрацоўкі інфармацыі пра мову і законах яе функцыянавання пры дапамозе камп'ютэраўЗубов А. В. Информационные технологии в лингвистике: учеб. пособие для студ. лингв. фак-тов высш. учеб. заведений / А. В. Зубов, И. И. Зубова. — М.: Академия, 2004. — 208 с..
Задачы матэматычнай лінгвістыкі
У задачы выкарыстання IT у лінгвістыцы ўваходзіць, напрыклад, распрацоўка:
сістэм аўтаматычнага перакладу; сістэм разпазнавання і сінтэзу маўлення; сістэм аналізу і сінтэзу пісьмовых тэкстаў, іх апрацоўкі (аўтаматычнага анаціравання і рэферыравання; інфармацыйна-пошукавых сістэм; электронных сродкаў навучання мове.
Гл. таксама Сітуацыйная семантыка
Крыніцы
Літаратура
Gabriel Altmann: Mathematische Linguistik. In: Walter A. Koch (Hrsg.): Perspektiven der Linguistik I (= Kröners Taschenausgabe. Band 446). Kröner, Stuttgart 1973, ISBN 3-520-44601-4, p. 208—232. Зубов А. В. Информационные технологии в лингвистике: учеб. пособие для студ. лингв. фак-тов высш. учеб. заведений / А. В. Зубов, И. И. Зубова. — М.: Академия, 2004. — 208 с.
Катэгорыя:Прыкладная матэматыка Катэгорыя:Прыкладная лінгвістыка