Максім Сяргеевіч Марцінкевіч (; — По факту суицида Тесака начаты служебная и доследственная проверки // ТАСС, 16.09.2020Неонацист Тесак покончил с собой в челябинском СИЗО // Медиазона, 16.09.2020) — расійскі грамадскі дзеяч, відэаблогер неанацысцкага толку, сузаснавальнік і ідэолаг нефармальнага міжнароднага грамадскага руху «Рэструкт», які дзейнічаў на постсавецкай прасторы.
Марцінкевіч стаў вядомы як нацыянал-сацыялістычны скінхэд і лідар міжрэгіянальнага аддзялення неанацысцкай моладзевай арганізацыі «Фармат 18».
Загінуў у 2020 годзе ў турэмнай камеры падчас адбыцця тэрміна пакарання па абвінавачанні ў экстрэмізме і, паводле афіцыйнай версіі, скончыў жыццё самагубствамі.
Раннія гады Паводле самога Марцінкевіча, у сям’і спляліся рускія, польскія, літоўскія і беларускія карані. Бацькі — Сяргей Яўгенавіч і Вікторыя Леанідаўна Марцінкевіч. Маці не падзяляла экстрэмісцкія погляды сына, бацька — падтрымліваў, пра гэта Цясак распавёў у сваёй першай кнізе «Дэструкт», выпушчанай у фармаце аўдыёзапісу, дзе апавядае пра сям’ю, юнацтва, падзеі ад паступлення ў каледж да першага судовага прысуду. У інтэрв’ю Lenta.ru у верасні 2012 года Марцінкевіч паведаміў, што не жанаты і дзяцей у яго няма. З юнацтва цікавіўся журналістыкай.
Прызваны у армію, але, адслужыўшы некалькі дзён, збіў саслужыўца-азербайджанца, пасля чаго прайшоў дадатковае абследаванне псіхічнага здароўя і быў камісаваныТесак попал в засаду партизан // Московский комсомолец, 18.02.2013. Мянушку «Цясак» атрымаў праз любоў да халоднай зброі. Скончыў Маскоўскі каледж архітэктуры і будаўнічых мастацтваў. Вучыўся ў Расійскім дзяржаўным сацыяльным універсітэце, але быў адлічаны ў сувязі з заключэннем пад варту. У адным з інтэрв’ю сцвярджаў, што тры з паловай гады прапрацаваў інжынерам.
Смерць 16 верасня 2020 года Марцінкевіч знойдзены мёртвым у камеры СІЗА № 3 у Трактаразаводскім раёне Чалябінска. Паводле афіцыйных папярэдніх даных, здзейсніў самагубства. Пры Марцінкевічы была перадсмяротная запіска з просьбай выбачэнняў у адміністрацыі СІЗА Чалябінска за праблемы, а таксама просьбай даслаць грамадзянскай жонцы ліст і перадаць кнігу пра камунізм і асабісты дзённікРаскрыто содержание предсмертной записки «Тесака» РИА Новости. Пазней знайшлі другую запіску, напісаную ад яго імя і адрасаваную, як мяркуецца, жонцы, са словамі: «А паміраць зусім не страшна! Кахаю цябе! Жыві!»Раскрыто содержание второй предсмертной записки «Тесака» РИА Новости. Daily Mail прыводзіць меркаванне эксперта па почырку, што адна з запісак напісана жанчынай.
У 2014 годзе ў сацсетках размешчана паведамленне Марцінкевіча, што ён не збіраецца здзяйсняць суіцыд падчас знаходжання ў папраўчай установе. У кастрычніку 2019 года Марцінкевічу адмянілі прысуды па артыкуле пра экстрэмізм праз дэкрыміналізацыю артыкула 282 КК РФ, а таксама знізілі тэрмін пакарання па артыкулах пра разбой і хуліганства. У выніку сумарны тэрмін адбывання пакарання знізіўся з дзесяці да васьмі гадоў. Па заяве блізкіх, Марцінкевіч павінен быў выйсці ў маі 2021 года, то-бок ад даты меркаванага самагубства да выхаду на волю яму заставалася адбыць у зняволенні восем месяцаў. Па словах апазіцыйнага актывіста Ляўковіча, родныя і адвакаты не маглі звязацца з Цясаком некалькі месяцаў у 2020 годзе. Адвакат Марцінкевіча Іван Северавіч заявіў, што падчас знаходжання Марцінкевіча ў Краснаярску да яго не дапускалі адваката, публічная адмова Марцінкевіча ад адвакатаў была ім раней у размове адхілена.
Відэаназіранне ў дзень яго смерці не працавала.
Пахаванне і акцыі памяці Пахаванне адбылося 3 кастрычніка 2020 года на Кунцаўскіх могілках Мажайскага раёна Заходняй адміністрацыйнай акругі Масквы. Марцінкевічу на час смерці было 36 гадоў. На пахаванне прыйшло, паводле розных ацэнак, ад 2 да 4,5 тысяч чалавек. Акцыі памяці прайшлі ў Расіі, Украіне і Кіпры.
У верасні 2021 года ў Кургане каля помніка ахвярам палітычных рэпрэсій з’явіўся мемарыял памяці Максіма Марцінкевіча. Гэта не першы выпадак з’яўлення каля помніка фотаздымкаў Марцінкевіча, такі мемарыял з’яўляўся і ў верасні 2020 года. Устаноўка фатаграфій і свечак каля помніка рэпрэсаваным не ўзгоднена ў мемарыяльным фондзе «Ісціна» і, на іх думку, была правакацыяй .
У культуры Творчасць нацысцкай арганізацыі «Фармат 18» натхніла рэжысёра Паўла Бардзіна на стварэнне драматычнага фільма «Расія 88» (2009). Згадваецца ў кампазіцыі «Мой сябар Гітлер» гурта «Бухенвальд Флава»«Тесак в СИЗО за кино, в котором резал падаль. Как жаль! Он хотел быть как Жан Рено». «Бухенвальд Флава», «Мой друг Гитлер». Альбом «Мой друг Гитлер», 2009. Видеоверсия композиции внесена в Федеральный список экстремистских материалов 21.12.2017 под № 4341 на основании решения Южно-Сахалинского городского суда Сахалинской области от 06.09.2017 и дополнительного решения Южно-Сахалинского городского суда Сахалинской области от 10.10.2017.. Ролікі руху «Акупай-педафіляй» абыгрываюцца ў аглядзе BadComedian на фільм «Мацільда» (2017). Смерць Марцінкевіча згадваецца ў трэку Славы КПСС «Сезонное»Слава КПСС (Slava KPSS) — Сезонное (Seasonal) Lyrics | Genius Lyrics. Сам Цясак згадваецца ў трэках «Жертва» і «100 barz».
Спасылкі
/ Baza, 29.09.2021.
Катэгорыя:Ютуберы Расіі Катэгорыя:Самазабойцы Катэгорыя:Самагубствы ў Расіі Катэгорыя:Памерлі ў месцах пазбаўлення волі Катэгорыя:Рускія нацыяналісты Катэгорыя:Неанацызм Катэгорыя:Злачынцы Расіі Катэгорыя:Актывісты антыгомасексуальнага руху Катэгорыя:Памерлі ў турмах Расіі