Міхаіл Аркадзевіч Бе́ргер (, Мінск — ) — беларускі піяніст і педагог. Заслужаны артыст Беларускай ССР (1940), прафесар (1946).
Біяграфія
Скончыў у 1928 годзе Беларускі музычны тэхнікум, у 1933 годзе — Ленінградскую кансерваторыю. З 1937 года выкладаў у Беларускай кансерваторыі, у 1938—1941 гадах яе дырэктар. У час Вялікай Айчыннай вайны ўзначальваў франтавую канцэртную брыгаду. У 1944—1963 гадах загадчык кафедры спецыяльнага фартэпіяна, у 1970—1978 гадах загадчык кафедры канцэртмайстарскага майстэрства Беларускай кансерваторыі.
Пахаваны на Чыжоўскіх могілках.
Творчасць Выступаў у канцэртах як саліст і ансамбліст. Аўтар фартэпіянных твораў (Варыяцыі, 1967; Эцюды, 1962; апрацоўкі народных мелодый, п’есы для дзяцей), фантазіі для скрыпкі і фартэпіяна (1945) і інш.
Літаратура
Катэгорыя:Піяністы Беларусі Катэгорыя:Музычныя педагогі Беларусі Катэгорыя:Рэктары Беларускай дзяржаўнай акадэміі музыкі