Анатоль Арсеньевіч Міха́йлаў (, Зяметчына, Пензенская вобласць, РСФСР) — беларускі філосаф. Акадэмік Нацыянальнай акадэміі навук Беларусі (1991; чл.-кар. з 1989), доктар філасофскіх навук (1986), прафесар (1988). Член Еўрапейскай Акадэміі навук і мастацтваў (Зальцбург, Аўстрыя, 1993).
Біяграфія Нарадзіўся 27 мая 1939 года ў пасёлку Зяметчына Пензенскай вобласці РСФСР.
У 1961 годзе скончыў Беларускі дзяржаўны ўніверсітэт.
У 1966—1974 гадах — выкладчык, дацэнт кафедры філасофіі Беларускага дзяржаўнага ўніверсітэта. У 1974—1980 гадах — супрацоўнік Цэнтра сацыяльнага развіцця і гуманітарных спраў (Нью-Ёрк—Вена). У 1980—1987 гадах дацэнт, прафесар кафедры філасофіі, з 1987 года — загадчык кафедры гісторыі філасофіі і логікі Беларускага дзяржаўнага ўніверсітэта.
З 1992 года — рэктар Еўрапейскага гуманітарнага ўніверсітэтаАкадэмікі: Міхайлаў Анатолій Арсеньевіч // Сайт НАН Беларусі. З 1 кастрычніка 2014 года па 5 студзеня 2021 года А. Міхайлаў займаў пасаду Прэзідэнта Еўрапейскага гуманітарнага ўніверсітэта.
Узнагароды Узнагароджаны Камандорскім крыжам Ордэна «За заслугі перад Літвой». Афіцэр Ордэна Акадэмічных пальмаў (Францыя, 2003)Акадэмік Анатоль Міхайлаў // Сайт Еўрапейскага гуманітарнага ўніверсітэта. Лаўрэат дэмакратычнай прэміі амерыканскага Фонду імя Іона Раціу (2007). Узнагароджаны медалём Гётэ (Германія, 2004).
Навуковая дзейнасць Навуковыя даследаванні ў галіне гісторыі філасофіі, сучаснай заходняй філасофіі і метадалогіі гуманітарных ведаў. Прааналізаваў радыкальныя пераўтварэнні, якія адбываліся ў філасофіі ХХ стагоддзя ў сувязі з узнікненнем і развіццём філасофіі жыцця, фенаменалогіі, экзістэнцыялізму, фундаментальнай анталогіі і герменеўтыкі.
Аўтар звыш 60 навуковых прац, у тым ліку 2 манаграфій.
Бібліяграфія Martin Heidegger und seine «Kehre». Jena, 1966. Современная философская герменевтика: Критический анализ. Мн.: Университетское, 1984. Историко-философские исследования. Мн.: Университетское, 1991. Dasein-анализ в философии и психологии. Мн.: Изд-во Европ. гуманитар. ун-та, 2001 (в соавт.)
Літаратура
Спасылкі Акадэмікі: Міхайлаў Анатолій Арсеньевіч // Сайт НАН Беларусі Анатоль Арсеньевіч Міхайлаў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі Акадэмік Анатоль Міхайлаў // Сайт Еўрапейскага гуманітарнага ўніверсітэта
Катэгорыя:Рэктары Еўрапейскага гуманітарнага ўніверсітэта Катэгорыя:Філосафы СССР Катэгорыя:Філосафы Беларусі