Вялікая ложа Беларусі — суверэннае аб’яднанне рэгулярных вольнамулярскіх лож, што працуюць на тэрыторыі Рэспублікі Беларусь. Створана пры падтрымцы і прызнанні Вялікіх лож Польшчы, Літвы і Украіны і рэгулярна асвечаная 25.05.2019 на Усходзе Мінска падчас супольнага рытуальнага сходу. Мае свае Канстытуцыю, Агульны статут. Арганізацыя афіцыйна зарэгістравана.
Перадгісторыя Вялікая ложа Беларусі мае даўнюю багатую гісторыю і працягвае традыцыі Каралеўскага Мастацтва на беларускай зямлі пачынаючы з протамасонскіх аб’яднанняў позняга Сярэднявечча і эпохі Адраджэння, лож XVIII—XIX стагоддзяў, беларускіх вольных муляраў пачатку XX стагоддзя. З Другой сусветнай вайны і да распаду СССР масонства ў Беларусі было забаронена.
У 1998 годзе першыя грамадзяне Беларусі ініцыяваны ў ложах Вялікай Нацыянальнай ложы Польшчы (ВЛНП). На рытуальныя працы з Мінска выязджалі ў Варшаву і іншыя польскія гарады. Рух набываў папулярнасць і 19.11.2005 года на Усходзе Варшавы пад юрысдыкцыяй ВЛНП была створана ложа № 8 «Іван Луцкевіч», якая аб’яднала беларускіх братоў і працавала на беларускай мове. У 2012 годзе ўпершыню за стагоддзе на Усходзе Мінска пачала працаваць ложа «Двух Арлоў», першая ложа якая рэгулярна працавала ў Беларусі. 20 верасня 2014 года на Усходзе Вільні пад юрысдыкцыяй Вялікай ложы Літвы створана беларускамоўная ложа № 7 «Скарына», куды беларускія масоны прыязджалі з Мінска, але ўсё часцей з дазволу ВЛЛ праводзілі працы на тэрыторыі Беларусі. 21.05.2016 г. на Усходзе Кіева пад юрысдыкцыяй Вялікай ложы Украіны грамадзяне Беларусі стварылі ложу № 15 «Браніслаў Тарашкевіч», якая таксама працавала на беларускай мове. З гэтых трох ложаў і была створана ВЛБ, якая ўвасобіла новую, беларускую масонскую юрысдыкцыю, што дазволіла ўсім беларускім братам законна і рэгулярна працаваць на Радзіме. На пачатак 2021 года Вялікую ложу Беларусі афіцыйна прызналі Вялікія ложы Польшчы, Літвы, Украіны, Эстоніі і Казахстана.
Спасылкі З’явілася масонская Вялікая ложа Беларусі. Вялікім майстрам стаў Сяргей Дубавец Чым займаюцца беларускія масоны? 25 пытанняў Вялікаму майстру беларускай ложы Што хаваецца за дзвярыма Дома масонаў у Мінску? Сяргей Дубавец: Беларускія масоны пашыраюць свабоду без палітыкі Nicht unbeirrt vom Lärm der Welt. Über den Aufbau der Freimaurerei in Belarus während der Staatskrise. Von Br. Walter Plassmann. — Humanität. Das deutsche freimaurer-magazin. 2/2021
Катэгорыя:Масонскія ложы Катэгорыя:Арганізацыі, заснаваныя ў 2019 годзе Катэгорыя:2019 год у Беларусі Катэгорыя:Грамадскія арганізацыі Беларусі