Алёхаўка — рака ў Дзяржынскім і Уздзенскім раёнах Мінскай вобласці Беларусі, левы прыток ракі Уздзянка (басейн Нёмана).
Даўжыня ракі 17 км. Плошча вадазбору 100 км². Сярэдні нахіл воднай паверхні 1,3 м/км. Пачынаецца за 0,8 км на поўнач ад вёскі Малое Гарохавішча Дзяржынскага раёна, цячэ на паўднёва-заходніх схілах Мінскага ўзвышша. Упадае ва Уздзянку за 1,4 км на паўночны ўсход ад вёскі Чурылава Уздзенскага раёна. На ўсім працягу каналізаваная. Прымае сцёк з меліярацыйных каналаў.
Каля ракі вёскі Пахомаўшчына, Валярова (Дзяржынскі раён) і Алёхаўка (Уздзенскі раён).
Літаратура Блакітны скарб Беларусі: Рэкі, азёры, вадасховішчы / Маст.: Ю. А. Тарэеў, У. І. Цярэнцьеў — Мн.: БелЭн, 2007. — 480 с.
Ліст карты N-35-91. Выданне 1979 г.
Катэгорыя:Рэкі Дзяржынскага раёна Катэгорыя:Рэкі Уздзенскага раёна Катэгорыя:Басейн Усы (верхні прыток Нёмана)