Навучальна-педагагічны комплекс дзіцячы сад-сярэдняя школа вёскі Старое Сяло — установа сярэдняй адукацыі ў в. Старое Сяло Мінскага раёна.
Гісторыя У 1867 годзе ў Старым Сяле было пабудавана народнае вучылішча. З 1883 года школа стала «Старасельскай чатырохкласавай беларускай вышэйшай пачатковай школай».
У 1924 годзе Старасельская школа была самай вялікай у акрузе. У школу хадзілі дзеці за 15 км. У 1933 годзе быў пабудаваны новы будынак школы калгаснай моладзі.
У час вайны ў будынку школы размясціўся нямецкі гарнізон. У 1944 годзе школа была адбудавана. Да 1950 года яна была сямігодкай. А з 1950 года стала сярэдняй школай. У 1977 годзе быў пабудаваны новы 2-х павярховы будынак школы, у якім яна знаходзіцца ў цяперашні час.
З 2010 года сярэдняя школа рэарганізавана ў дзяржаўную ўстанову адукацыю «Навучальна-педагагічны комплекс дзіцячы сад-сярэдняя школа в. Старое Сяло».
Вядомыя асобы Вучні Мікалай Фёдаравіч Ішуцін — Герой Савецкага Саюза. Аляксандр Фёдаравіч Хацкевіч — доктар гістарычных навук, прафесар. Аляксандр Уладзіміравіч Строцкі — доктар медыцынскіх навук, прафесар.
Катэгорыя:Школы Мінскага раёна Катэгорыя:Старое Сяло (Мінскі раён)