Серхед

Серхе́д, Сархед — пласкагор’е ў паўднёва-ўсходняй частцы Ірана, у складзе Усходне-Іранскіх гор.

Даўжыня пласкагор’я складае каля 400 км, шырыня каля 200 км. Вышыні горных хрыбтоў 2500—3000 м. Найбольшая вышыня — 4042 м (вулкан Тэфтан). Вышыня далін і ўпадзін каля 1500 м. Горныя пустыні і паўпустыні з зараснікамі калючых падушкападобных хмызнякоў, вышэй 2000 м — горныя стэпы. На пакатых схілах развіта багарнае земляробства.

На пласкагор’і заказнік Безман.