Крыстэрс Апар’ёдс (; нар. , Сігулда) — латвійскі саначнік, прызёр чэмпіянату свету і Еўропы. Удзельнік зімовых Алімпійскіх гульняў 2018 года, бронзавы прызёр зімовых Алімпійскіх гульняў 2022 года.
Біяграфія Пачаў практыкавацца ў спорце з 8 гадоў, з 2013 года пачаў спаборнічаць за зборную Латвіі ў адзіночных санях.
Вызначыўся на розных маладзёжных спаборніцтвах. Заваяваў два залатыя і адзін сярэбраны медаль на юнацкім чэмпіянаце свету (у камандных спаборніцтвах у Лілехамеры 2015 і ў адзіночках у Сігулдзе 2017), два сярэбраныя медалі і бронзавы медаль на маладзёжным чэмпіянаце Еўропы. Ён таксама выйграў золата на юнацкіх Алімпійскіх гульнях у Лілехамеры ў 2016 годзе. Заняў другое месца ў выніковым рэйтынгу маладзёжнага заліку Кубка свету ў сезоне 2015/16.
На высокім прафесійным узроўні дэбютаваў на этапе Кубка свету 27 лістапада 2016 года ў Вінтэрбергу, заняўшы 23-е месца ў адзіночках. Першы подыум для яго адбыўся ў эстафетных спаборніцтвах на этапе 19 лютага 2017 года ў Пхёнчхане. Свае першыя спаборніцтвы ён выйграў 13 студзеня 2019 года ў эстафеце ў Сігулдзе.
Браў удзел у зімовых Алімпійскіх гульнях у Пхёнчхане (2018), дзе заняў 11 месца ў адзіночках і 7 месца ў эстафеце.
На чэмпіянаце Еўропы 2019 года выйграў бронзавы медаль у адзіночках.
Катэгорыя:Саначнікі на зімовых Алімпійскіх гульнях 2018 года Катэгорыя:Саначнікі на зімовых Алімпійскіх гульнях 2022 года Катэгорыя:Саначнікі Латвіі Катэгорыя:Бронзавыя прызёры зімовых Алімпійскіх гульняў 2022 года