Папская акадэмія літаратуры і прыгожых мастацтваў (, літаральна Папская заслужаная акадэмія выяўленчага мастацтва і літаратуры віртуозаў у Пантэоне) — навуковая арганізацыя са статусам акадэміі пры Святым Прастоле, створаная ў 1542 годзе.
Сходы сябраў акадэміі праходзілі ў Пантэоне, а самі сябры называліся "віртуозамі" (ад італьянскага слова "virtuoso" - дабрадзейны, доблесны), дзякуючы чаму акадэмія атрымала сваё імя.
Членамі акадэміі былі Караваджа, Берніні, Віньола, Канова і многія іншыя выдатныя мастакі, скульптары і іншыя дзеячы мастацтва.
У 1928 годзе Папа Пій XI зацвердзіў новы статут акадэміі. Статут вызначыў мэту акадэміі, як спрыянне вывучэнню, выкананню і ўдасканаленню прыгожых мастацтваў, перш за ўсё сакральнага мастацтва, а таксама павышэнню духоўнага ўзроўню майстроў культуры. У 1945 годзе рэзідэнцыя акадэміі была пераведзена з Пантэона ў Палаца Канчэлерыя.
Спасылкі
Катэгорыя:Акадэміі навук Катэгорыя:Рым