Стасіс Шымкус (; 4.2.1887, в. Мацішкяй, Ковенскі павет, Літва — 15.10.1943) — літоўскі кампазітар, дырыжор, педагог.
Біяграфія У 1908 годзе скончыў Варшаўскі музычны інстытут па класу арганаМузыкальная энциклопедия: в 6 т. Т. 6.Т. 6: Хейнце — Яшугин. — М.: Советская энциклопедия: Советский композитор, 1982. — Стб. 343—344. — 1008 стб., илл. — 102 245 экз. . Скончыў Пецярбургскую кансерваторыю ў 1914 годзе. Вучыўся ў А. Лядава, М. Штэйнберга, Я. Віталса. Падчас вучобы наведваў пасяджэнні Беларускага навукова-літаратурнага гуртка студэнтаў Пецярбургскага ўніверсітэта. У 1914—1920 гадах жыў у ЗША, дзе кіраваў літоўскім хорам, арганізоўваў канцэрты, выдаваў часопіс. У 1921—1922 гадах удасканальваўся ў Лейпцыгскай кансерваторыі. У 1923 годзе арганізаваў музычнае вучылішча ў Клайпедзе, у 1934 — таварыства па зборы народных мелодый. У 1930—1933 гадах С. Шымкус кіраваў студэнцкім хорам Каўнаскага ўніверсітэта, у 1933—1936 гадах — інспектар па музычным пытанням Міністэрства асветы Літвы. Пасля 1940 года прымаў удзел у будаўніцтве музычнай культуры Літоўскай ССР.
Творчасць
Аўтар твораў розных жанраў: опера «Вёска каля маёнтка» (1941), сімфанічная паэма «Нёман» (1930), песня-кантата «Да светлай будучыні», апрацоўкі літоўскіх і беларускіх народных песень (апрацоўваў народныя песні і танцы для спектакляў Першай беларускай трупы І. Буйніцкага; часткова апублікаваны ў «Беларускім спеўніку…» Л. Рагоўскага, 1911). Кіраваў хорам, які ў 1911 годзе выступіў разам з трупай І. Буйніцкага на беларускай вечарынцы ў Пецярбургу. Аўтар музыкі да пастаноўкі «Паўлінкі» Янкі Купалы (1913; Беларускі навукова-літаратурны гурток, Пецярбург).
Літаратура
Ши́мкус Стасис Стасио // Музыкальная энциклопедия : [в 6 т.] / Гл. ред. Ю. В. Келдыш. — М.: Советская энциклопедия: Советский композитор, 1973—1982. — (Энциклопедии. Словари. Справочники. Изд-во «Советская Энциклопедия», Изд-во «Советский композитор»). — Т. 6: Хейнце — Яшугин. — 1982. — Стб. 343—344. — 1008 стб., илл. — 102 245 экз.
Катэгорыя:Кампазітары Літвы Катэгорыя:Кампазітары XX стагоддзя Катэгорыя:Дырыжоры Літвы Катэгорыя:Дырыжоры XX стагоддзя Катэгорыя:Асобы на марках