Таццяна Вячаславаўна Махорт (нар. 1955) — беларуская ўрач-эндакрынолаг. Доктар медыцынскіх навук (2006), прафесарМохорт, Татьяна Вячеславовна (доктор медицинских наук; род. 1955) .
Біяграфія
Скончыла з адзнакай лячэбны факультэт Мінскага дзяржаўнага медыцынскага інстытута ў 1978 годзе па спецыяльнасці «лячэбная справа». Да 1985 года працавала ўрачом-эндакрынолагам 2-ай гарадской клінічнай бальніцы г. МінскаМохорт Татьяна Вячеславовна .
З 1985 года працавала асістэнтам, а з 1990 па 1997 год — дацэнтам 1-ай кафедры ўнутраных хвароб Беларускага дзяржаўнага медыцынскага ўніверсітэта па курсе эндакрыналогіі, з’яўляючыся, па сутнасці, кіраўніком курса.
У перыяд 1997—2003 гады працавала намеснікам дырэктара па навуковай рабоце Навукова-даследчага клінічнага інстытута радыяцыйнай медыцыны і эндакрыналогіі і адначасова выконвала абавязкі загадчыцы лабараторыі цукровага дыябету.
У пэрыяд 1998—2003 гг. выконвала функцыю галоўнага пазаштатнага спецыяліста па эндакрыналогіі Міністэрства аховы здароўя Рэспублікі Беларусь.
У 2003 г. у сувязі з рэарганізацыяй Навукова-даследчага інстытута радыяцыйнай медыцыны і эндакрыналогіі была пераведзена на пасаду галоўнага ўрача Рэспубліканскага кансультатыўнага эндакрыналагічнага цэнтра, дзе працавала да 2005 года.
На працягу 2005—2006 гг. — асістэнт кафедры ваенна-палявой тэрапіі Ваенна-медыцынскага факультэта ў БДМУ, з 1 верасня 2006 г. — прафесар 1-ай кафедры ўнутраных хвароб БДМУ. У 2006 годзе абараніла доктарскую дысертацыю на тэму: «Цукровы дыябет тыпу 1 (асаблівасці развіцця, плыні і аптымізацыя медыцынскіх тэхналогій па папярэджанні прагрэсавання захворвання)» па спецыяльнасці 14.00.03 — эндакрыналогія. З 1 верасня 2012 г. — загадчык створанай кафедры эндакрыналогіі Беларускага дзяржаўнага медыцынскага ўніверсітэта.
Навуковая дзейнасць
Навуковыя інтарэсы: цукровы дыябет 1 і 2 тыпаў; метабалічны сіндром; астэапароз; захворванні шчытападобнай залозы; ёдная недастатковасць у Рэспубліцы Беларусь.
Катэгорыя:Эндакрынолагі Беларусі Катэгорыя:Эндакрынолагі СССР