Каменка — археалагічныя помнікі каля в. Каменка Навагрудскага раёна. Каля вёскі ў 1973 знойдзены рымскі манетна-рэчавы скарб.
Курганны могільнік
Курганны могільнік размешчаны за 500 м на паўночным усходзе ад вёскі, у лесе. Захавалася 20 насыпаў сферычнай формы вышынёй 0,8-3 м, дыяметрам 4—9 м. Адзін курган прадаўгаваты, другі блізкі да квадрата. У дарэвалюцыйны час некаторыя насыпы былі даследаваны, у іх знойдзены бронзавыя пярсцёнак і 2 кольцы, фрагменты тканіны. У 1964 годзе выявіў Л. Д. Побаль, у 1973 годзе абследаваў М. А. Ткачоў.
Каменны могільнік
Каменны могільнік размешчаны за 1,5 км на захад ад вёскі, у лясным урочышчы Гавейша. Мясцовая назва Татарскія магілы. Захавалася 90 магіл, якія абазначаны пастаўленымі тарцом плітамі і плоскімі камянямі без знакаў. Месцамі ёсць каменныя абкладкі. Выявіла і абследавала ў 1982 годзе А. В. Квяткоўская.
Селішча Селішча зарубінецкай культуры і эпохі Кіеўскай Русі размешчана паўднёвай частцы вёскі, на беразе перасохлай ракі. Выявіў у 1965 годзе Л. Д. Побаль. Знойдзены фрагменты ляпнога посуду.
Літаратура
Катэгорыя:Археалагічныя аб’екты Навагрудскага раёна Катэгорыя:Каменка (Кашалеўскі сельсавет) Катэгорыя:Зарубінецкая культура