Парэ́цкая суко́нная фа́брыка — фабрыка, якая дзейнічала ў 1836—1916 гадах у вёсцы Парэчча (Пінскі раён Брэсцкай вобласці).
Фабрыка выпускала трыко, тонкую шарсцяную тканіну, двайное сукно. У 1868 годзе на фабрыцы меліся 83 механічныя ткацкія станкі, 2 паравыя машыны, 3 паравыя катлы і 166 адзінак іншых машын і механізмаў. Працавала 375 рабочых. У 1885 годзе ўсе ручныя станкі былі заменены на механічныя (усяго 185 адзінак).
У час Першай сусветнай вайны абсталяванне фабрыкі было вывезена нямецкімі акупантамі, а будынак спалены.
Вырабы Парэцкай суконнай фабрыкі былі адзначаны сярэбраным медалём на Парыжскай выстаўцы 1878 года, залатым медалём на Маскоўскай выстаўцы 1882 года.
Літаратура
Катэгорыя:Парэчча (Пінскі раён) Катэгорыя:Колішнія прадпрыемствы Брэсцкай вобласці Катэгорыя:З’явіліся ў 1836 годзе Катэгорыя:Зніклі ў 1916 годзе Катэгорыя:Эканоміка Пінскага раёна Катэгорыя:Гісторыя Пінскага раёна Катэгорыя:1836 год у Беларусі