Карл Аўгуст Эрэнсверд (; , Стакгольм, Швецыя — , Эрэбру, Швецыя) — шведскі адмірал, тэарэтык мастацтва, мастак, гравёр і архітэктар.
Біяграфія Граф Карл Аўгуст Эрэнсверд нарадзіўся 5 мая 1745 у Стакгольме ў сям’і фельдмаршала Аўгусціна Эрэнсверда, галоўнакамандуючага шведскай арміяй ў Памераніі падчас Сямігадовай вайны. Дапамагаў бацьку, калі апошні займаўся ўмацаваннем Свеаборгскай крэпасці.
У 1789 годзе ў пачатку вайны з Расіяй камандаваў шведскім ваенна-марскім флотам. Яго намер не адступаць пасля Першай Рочэнсальмскай бітвы не быў ухвалены шведскім каралём Густавам III, які затым сам прыняў начальства над ваенна-марскімі сіламі Швецыі.
Пасля смерці Густава III Карл Аўгуст Эрэнсверд быў арыштаваны ў якасці асобы, якая падазраецца ў датычнасці да забойства манарха, але быў вызвалены і пастаўлены на чале ўсяго шведскага марскога ведамства у званні генерал-адмірала, аднак неўзабаве пакінуў ваенную кар’еру, каб цалкам прысвяціць сябе мастацтву.
Здзейсніўшы ў 1780—1782 гадах паездку на поўдзень Еўропы, ён склаў апісанне свайго падарожжа, багата ілюстраваўшы яго ўласнаручнымі гравюрамі: «Resa till Italien» (Стакгольм, 1786; 2 выданне, 1819).
У сачыненні «Філасофія прыгожых мастацтваў» (De fria Konsters philosophies, 1786) адчуваецца вялікая любоў аўтара да антычнага мастацтва. Пэр Даніэль Амадэус Атэрбум у «Phosphoros» (1813) і затым у «Svenska Siare och Skalder» даў выдатную характарыстыку Эрэнсверду. Напісаныя ім сачыненні неаднаразова перавыдаваліся.
Два яго альбома з карыкатурамі на гісторыю Швецыі паэт Ю. Г. Оксеншэрна назваў геніяльнымі творамі.
Карл Аўгуст Эрэнсверд памёр 21 мая 1800 падчас паездкі ў Эрэбру.
Узнагароды
Ордэн Мяча, рыцарскі крыж (RSO1kl) (28 мая 1772) Ордэн Мяча, камандорскі крыж (KSO1kl) (27 лістапада 1786) Ордэн Мяча, камандорскі крыж з зоркай (вялікі крыж) (KmstkSO) (27 жніўня 1789)
Літаратура
Катэгорыя:Члены Шведскай каралеўскай акадэміі навук Катэгорыя:Архітэктары Швецыі Катэгорыя:Архітэктары паводле алфавіта Катэгорыя:Мастакі Швецыі Катэгорыя:Мастакі паводле алфавіта Катэгорыя:Гісторыкі архітэктуры Катэгорыя:Гісторыкі мастацтва Катэгорыя:Удзельнікі руска-шведскай вайны 1788—1790