Аляксандр Яўменавіч Дзідзенка (12.11.1923, с. Кірава, Няміраўскі раён, Вінніцкая вобласць, Украіна — 28.07.2015) — беларускі таксіколаг. Кандыдат медыцынскіх навук (1964), дацэнт (1966). Палкоўнік медыцынскай службы (1967). Удзельнік Вялікай Айчыннай вайныДзідзенка, Аляксандр Яўменавіч (кандыдат медыцынскіх навук; таксікалогія ; 1923—2015).
Біяграфія
Скончыў Вінніцкую фельчарска-акушэрскую школу (1941), Ваенна-медыцынскую акадэмію імя С. М. Кірава (Ленінград; 1953).
Працаваў у Адэскай ваеннай акрузе (1945—1947, фельчар палкавога медыцынскага пункта); Беларускай ваеннай акрузе (1953—1958, старшы ўрач ваеннай часткі, з 1954 — старшы афіцэр аддзела кадраў); Беларускай медыцынскай акадэміі паслядыпломнай адукацыі (1958—2002; старшы выкладчык курса таксікалогіі ваеннай кафедры, у 1971—1973 — начальнік вучэбнай часткі кафедры, у 1978—1989 — прарэктар па вучэбнай рабоце, у 1989—1994 — супрацоўнік аддзела дактарантуры, аспірантуры і клінічнай ардынатуры, з 1994 — на кафедры сацыяльнай гігіены, эканомікі і арганізацыі аховы здароўя).
Памёр 28 ліпеня 2015, пахаваны ў Мінску на могілках «Калодзішчы».
Навуковая дзейнасць
Навуковыя інтарэсы: пытанні тэрапіі пры атручэнні фосфарарганічнымі злучэннямі.
Узнагароды
Ордэн Чырвонай Зоркі (1944, 1956), медалі «За баявыя заслугі», «За абарону Каўказа» і інш.
Літаратура
Диденко Александр Евменьевич // Заведующие кафедрами, профессора и доктора наук Белорусской медицинской академии последипломного образования, 1931—2011 : к 80-летию БелМАПО. — Минск, 2011. — С. 36—37. Диденко Александр Евменьевич // Руководители, заведующие кафедрами, профессора и доктора наук Белорусской медицинской академии последипломного образования (1931—2006). — Минск, 2006. — С. 22—23.
Катэгорыя:Таксіколагі Беларусі Катэгорыя:Ваенныя ўрачы Беларусі Катэгорыя:Медыкі Беларусі Катэгорыя:Удзельнікі Вялікай Айчыннай вайны