Чорназямельскі раён (, ) — адміністрацыйна-тэрытарыяльная адзінка ў складзе Рэспублікі Калмыкія Расійскай Федэрацыі, у межах якой утвораны муніцыпальны раён Чорназемельскае раённае муніцыпальнае ўтварэнне.
Адміністрацыйны цэнтр — пасёлак Камсамольскі.
Геаграфія Агульная плошча тэрыторыі раёна — 1420013 га, або 18,7 % тэрыторыі рэспублікі, самы вялікі раён Калмыкіі. Адлегласць ад г. Эліста — 190 км. Раён амаль цалкам знаходзіцца ў зоне паўпустыняў. Раён мяжуе на поўначы з Яшкульскім раёнам, на захадзе — Ікі-Бурульскім раёнам, на поўдні са Стаўрапольскім краем і Рэспублікай Дагестан, на ўсходзе з Лаганскім раёнам і Астраханскай вобласцю.
Клімат Назва раёна звязана з часткай Прыкаспійскай нізіны — рэгіёнам Чорныя землі. Гэтая частка Калмыкіі практычна не пакрываецца снегам і традыцыйна выкарыстоўваецца для пашавай жывёлагадоўлі. Клімат раёна рэзка кантынентальны: гарачае і сухое надвор’е летам і маласнежная зіма. За год тут налічваецца каля ста васьмідзесяці — ста дзевяноста сонечных дзён, што складае амаль 2300 гадзін. Летні максімум тэмператур складае сорак два — сорак тры градусы. Самая нізкая тэмпература, адзначаная ў Чорназямельскім раёне, роўная трыццаці пяці — трыццаці шасці градусам ніжэй за нуль.
Крыніцы
Катэгорыя:Раёны Калмыкіі